最近寒流一浪接一浪,尤其係郊外地方風特別大特別凍,上個月仲有人行大嶼山太凍而失溫添!
當身體產生嘅熱能比流失嘅慢,就會造成失溫。所以係天氣凍嘅時候行,就要著重保暖,但唔係著得厚就夠!要用洋蔥式穿搭,先可以確保防風又保暖。
Photo via Pixabay
失溫嘅原因不外乎係著得唔夠暖、整濕咗件衫。嚴重失溫三小時內就有機會致死,所以一定要好好預防。洋蔥式穿搭正好可以達到內保暖,外防風防水嘅效果,由內到外為貼身透氣底衫、保暖抓毛衣物及防水防風外套,頭部同手都會散失體熱,所以最好戴帽同手套。另外,棉質底衫、牛仔褲都係吸水質地無法保暖,有機會造成失溫喪命,寒冬要去野外活動要避免穿著。
Photo via HKTVmall
Photo via MyDress
Photo via overlander
另外,隨時補充食物、水分,令身體狀況維持最好狀態,都休預防失溫嘅好方法,每半小時到一小時補充食物,食粒糖、朱古力、幾片餅乾都得,但絕對唔可以飲酒驅寒,酒精會造成血管擴大、心跳加速,酒精會加快散熱,提高失溫風險。
Photo via Hiking Gear Review
如果你或者同行者出現失溫症狀,不自主顫抖,要即刻尋找遮蔽處,脫離濕冷環境到溫暖處後,換上乾燥衣服包,亦可使用乾報紙、睡袋、露宿袋甚至膠袋阻絕寒冷,如果可以盲將熱水樽、熱水袋、等有溫度嘅物品放於失溫者腋下、大脾、頸部進行回溫,意識清醒沒有嘔吐嘅病人,可以給予溫糖水、熱薑湯,同時向外求援。
Photo via Fitz • Get Moving
去行山之前記住睇下自己有冇著夠衫、帶夠水同嘢食啦,小編都會留意一下有無靚得黎又保暖嘅衣著推薦比大家,畢竟小編都係個港女要貪靚,我地星期五郊遊習作見啦,拜拜!