迪士尼樂園、淺草寺、晴空塔哩啲東京必去景點就去得多，但如果你想去特別啲嘅地方不妨可以考慮到早稻田大學校區走走，感受一下世界知名學府濃濃嘅學習氣氛。

位於東京都新宿區嘅早稻田大學創立於1882年，屬於世界知名的日本私立大學。早稻田大學除了孕育左各個領域嘅人才，好似有知名小說家村上春樹、世界花式滑溜冰冠軍羽生結弦、演員藤木直人等等，豐富嘅校園生活亦都成為左許多青年人嚮往嘅原因之一。

一進入早稻田大學校門，好容易就會被眼前哩棟建築物所吸引。大隈講堂係校園裡最具代表性嘅地標之一。每逢秋天，講堂旁邊仲會有一整排金黃閃亮嘅銀杏樹添！除左有大隈講堂之外，係電影「挪威的森林」中有出現過嘅舊式教學大樓都好值得參觀。鐘意攝影嘅朋友千奇唔好錯過，帶埋部相機黎早稻田大學影多啲呃like相啦。

黎到早稻田唔想兩手空空番去嘅就唔好錯過大隈講堂旁邊嘅「早稻田大學官方周邊商品專賣店」啦！文具、t-shirt、紀念公仔應有盡有，一定可以令你滿載而歸呀！

係得大學附近當然就有唔少美食啦！早稻田校區有一間由老夫老妻經營嘅便當店「いねや」，雖然舖頭細小唔顯眼，但便當配搭得十分豐富，仲附有高級水果。旁邊仲有好多café，黎早稻田逛逛嘅時候不妨可以去睇下喔！

早稻田大學參觀資訊

地址：東京都新宿區戸塚町1-104

開放時間：早稻田校區（上课期間開放 8:00-22:30（周日・假日 8:00-18:00））暑假、寒假或於考試期間不會對外開放（每年暑假期間：8月1日- 9月20日）

交通：東西線早稻田站徒步5min