秋意漸濃，亦即係觀賞紅葉嘅季節就到啦！今次就為大家介紹於日本京都超人氣嘅賞楓去處「 紅葉隧道」，特別在於遊客能夠安坐於電車內，細看窗外紅葉滿目嘅動人景色！唔洗行就可以欣賞到驚豔美景，超適合懶人佛系出行~
叡山電車分成兩線來往京都北部，由出町柳站出發，至寶池站分成向東嘅八瀨比叡山口、向西嘅貴船口及鞍馬兩線駕駛。沿途可以欣賞到歷史氣息濃厚嘅寺廟，以及四季不同嘅自然景緻，其中秋季嘅紅葉就成功吸引唔少遊客慕名而至。
「紅葉隧道」處於向鞍馬站方向嘅中原站及二瀨站之間，呢段鐡路兩側種滿日本槭樹同雞爪楓樹，所以電車經過嘅時候就會穿過一道被紅葉包圍嘅路段，完全沉浸於秋日氣息當中。
一般而言，每年嘅11月中旬至12月上旬都係賞楓季節，最緊要就係睇返每年嘅天氣變化，咁就可以揀返啱日子去睇「紅葉隧道」啦！
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
