Homita - 日本Family Mart必買!超人氣「能吃的牧場牛奶」新品 滑溜梳乎厘布丁極濃奶香味!
#美食七月
×
Quiz
Beauty
+
Body
+
Fun
+
Foodie
+
Me
Time
+
Shopaholic
+
Travel
+


  


日本Family Mart必買!超人氣「能吃的牧場牛奶」新品 滑溜梳乎厘布丁極濃奶香味!
日 Japan  |  by CASS  |  7 months ago   

只於日本全家FamilyMart(ファミリーマート)販售嘅「能吃的牧場牛奶(食べる牧場ミルク)」,從2017年秋季上市至今以嚟人氣依舊高企,經常被搶到一杯難求。加入50%新鮮牧場牛奶嘅牛乳雪糕,每一啖都食到極濃奶香,所以受到日本網民大推,而最近佢又再推出兩隻新口味啦~

「能吃的牧場牛奶(食べる牧場ミルク)」牛乳雪糕出自赤城乳業,雪糕加入50%新鮮牧場牛奶,令佢有綿密口感之外,每一啖都食到極濃奶香,品質受到保證,2017秋季一上市就秒引起熱話。杯身上印上小牛插圖,設計簡單又可愛。

「能吃的牧場牛奶(食べる牧場ミルク)」仲會因應季節,推出期間限定口味。一杯售價為198日圓。最近推出新品「能吃的牧場咖啡」(食べる牧場コーヒー),杯中一半係咖啡雪糕,一半係招牌牛乳雪糕,微苦咖啡香同香醇牛奶味非常夾,怕甜或者熱愛咖啡嘅女生絕對可以一試。

另一個新款就係梳乎厘布丁!「たべる牧場ミルク」(能吃的牧場牛奶)第一次推出無雪糕雪糕嘅梳乎厘布丁。雖然無咗招牌牛乳雪糕,但入口即融嘅「梳乎厘布丁」同樣含有50%北海道牛奶,再特別選用白蛋黃雞蛋製作,梳乎厘上仲印有療癒招牌小牛,所以一樣好評如潮。 日本網民指梳乎厘布丁奶味濃,口感滑嫩順口,會令人食完一個再想食多個!

不過除咗食官方推出嘅限定口味外,創意十足嘅日本人點會甘於此。好多日本網民都鍾意喺雪糕上面加上自己鍾意嘅配料,例如水果、糖、朱古力、曲奇等等,創造出屬於自己嘅期間限定口味,再喺SNS分享。

每一種配料都同牛乳雪糕意外地夾,想自製「聖代杯」?咁就參考下以下例子!

水果系列

夏天嘅時候推出過50%雙層牛乳草莓雪糕,上層係濃郁牛乳雪糕,下層係帶有果肉嘅草莓雪糕,草莓味同濃郁牛奶味100%地夾,被搶到間間FamilyMart都斷貨。

嫌果肉粒唔夠?擺原粒士多啤梨啦!加上草莓後,原本單調嘅牛奶雪糕瞬間變奢華版。

除咗士多啤梨之外,仲可以擺當季水果。望落直逼店家販售嘅水果聖代

甜點系列

喺牛奶雪糕上撒上朱古力豆,插上POCKY,再將朱古力塊疊上去。依照個人喜好設計出嚟嘅聖代就完成啦~製成品望落去少女又繽紛,影相打卡一流!

 

朱古力系列

喺雪糕上淋上朱古力醬,再放滿炙過嘅棉花糖醬裝飾。絕對係可以滿足朱古力控嘅一杯聖代!

OREO朱古力同牛奶簡直係完美搭配,呢種經典嘅口味絕對要整一杯嚟試~

臨近聖誕節,更推出聖誕限定包裝,招牌小牛換上馴鹿新裝,超級可愛~杯身更加上聖誕花紋作裝飾,喺雪糕上擺放聖誕造型曲奇,節日氣氛滿滿!

有機會去日本嘅話,絕對要喺超商順便買埋想加嘅配料,幫自己做一杯配料滿滿嘅聖代!今次推薦嘅咖啡同梳乎厘布丁兩款新口味都一推出就造成話題,最近去日本玩嘅女生不妨買嚟試試~

如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
CASS

Editor

You May Also Like
This Week's Top Post
東京排隊店! 世界頂尖的牛油ECHIRE點心麵包坊
Y小編 - 8 months ago
東京必買! 日本瘋傳佛心皇居手工製牛皮錢包
Y小編 - 9 months ago
傳統風味的「日式下午茶」 東京皇宮飯店登場!
Angela - 11 months ago
腿不酸嗎?日本跪坐禮儀不簡單
Levenez - 8 months ago
東京鐵塔x Little Twin Stars 期間限定 45週年慶典活動
Angel - 24 days ago
日本的一個90度鞠躬 比任何道歉都有效
Y小編 - 8 months ago