Homita - 燒肉控注意!日本燒肉店「牛角」推出放題月票 超抵價錢食兩次就回本!
#美食五月
×
Quiz
Beauty
+
Body
+
Fun
+
Foodie
+
Me
Time
+
Shopaholic
+
Travel
+


  


燒肉控注意!日本燒肉店「牛角」推出放題月票 超抵價錢食兩次就回本!
日 Japan  |  by CASS  |  5 months ago   

有時候突如其來想食一餐超滿足、超罪惡嘅晚餐,唔少人都會選擇放題,而當中最能夠令食肉獸心動嘅當然係罪惡感滿滿嘅「燒肉放題」!最近日本燒肉店牛角,其中3間分店推出期間限定5款超抵食燒肉放題月票!不過由於月票反應太熱烈,推出兩日後已經賣清!到底燒肉放題月票有幾抵?一齊嚟睇下啦!

每次見到油脂分佈均勻嘅雪花肉片,然後將佢哋放上啱啱烘好嘅網面炭爐,聽住佢發出滋滋聲,再配上一口暢快清爽嘅啤酒,真係能夠令人煩惱盡消~由於單點燒肉嘅消費一般比較高,因此對於食量大嘅朋友嚟講「燒肉放題」絕對係食肉獸嘅福音!雖然放題相對上係比較抵,但由於肉嘅來價始終較高,所以燒肉放題一般都要 300、400 蚊起跳,質素比較好嘅燒甚至要 500 - 800 蚊起跳,有時候都幾傷荷包!

不過日本燒肉店終於聽到大家嘅心聲啦!日本牛角竟然推出「一個月燒肉放題月票」,只需要比一個價錢,就可以喺一個月內、每日一次無限次享用燒肉放題~優惠一推出,唔少日本網民表示震驚!

月票只售 ‎¥‎11000 (港幣約$788),只要買咗呢張燒肉放題月票,一個月內就可以瘋狂享用燒肉放題啦!呢個價錢,大概只要食兩、三次就已經可以輕鬆回本,更何況係一個月內無限任食呢?難怪優惠一出就即刻被搶購一空!

燒肉店「牛角」於「三軒茶屋店」、「花見川店」、「赤坂店」三家店舖施行店鋪限定的月票制度,提供各種不同的吃到飽方案供民眾選擇!

除咗燒肉放題月票之外,其實「牛角」仲有推出其他月票,全部都好抵!目前共有5種方案可供選擇:

1.飲品無限暢飲放題 月票:原價1628日圓(含稅)(~港幣$116)嘅單次飲料無限暢飲方案,現在只要月付1628日圓(含稅),就可以無限暢飲50款以上嘅飲品,包括梅酒、啤酒、燒酌、紅酒、白酒等,食燒肉又點可以少得飲酒,咁就唔洗驚食完燒肉會口渴啦!

2.燒肉吃到飽放題 月票:月付11000日圓(含稅),就可以食到3款唔同course嘅燒肉,包括80款以上嘅輕量course、100款以上嘅牛角course,以及120款以上嘅十分滿足course,可以食到飽一飽,大滿足!不過呢款月票反應太熱烈,推出兩日後已經賣清光啦,唔知之後會唔會再次推出月票呢?

3.牛五花專用蓋飯吃到飽放題 月票:月付385日圓(含稅),就可以將原價350日圓(未稅)嘅牛五花專用蓋飯食到飽!覺得只食肉太油膩,配紫菜蓋飯食就啱啱好!又或者驚食肉唔夠飽嘅朋友,都可以追加呢個牛五花蓋飯放題!

4.碳酸飲料無限暢飲放題 月票:原價528日圓(含稅)的嘅飲料無限暢飲,月付528日圓(含稅)就能整個月飲到爽!90分鐘內,無限暢飲汽水,不過午餐時段不適用。

5.燒肉半價月票:月付3300日圓(含稅),就能享有一個月內「輕量course(含稅3278日圓)」及「牛角course(含稅3828日圓)」嘅半價優惠!搶唔到燒肉放題月票嘅朋友唔洗灰心,燒肉半價月票都好抵,超值得入手!

消息一出唔少日本網友都為之瘋狂:「這也太過衝擊」

「就算每週只去一次也能回本。拿出精力每天都去一次…….好像不太可能(笑)」

睇完係唔係超級心動!(小編都忍唔住流口水)難怪消息一推出,唔少日本網民都超級雀躍,只要每週去一次就已經值回票價!即使唔係日本居民,如果你有計劃即將到日本長途旅行嘅話,呢個放題月票真係買得過!

不過要注意嘅係目前呢款燒肉放題女票只限於「三軒茶屋店」、「花見川店」、「赤坂店」三間分店實施,有興趣嘅朋友記得唔好去錯地方啦!希望未來其他店鋪都會推出月票啦~

如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
CASS

Editor

You May Also Like
This Week's Top Post
腿不酸嗎?日本跪坐禮儀不簡單
Levenez - 7 months ago
燒肉控注意!日本燒肉店「牛角」推出放題月票 超抵價錢食兩次就回本!
CASS - 5 months ago
同多啦A夢一齊登陸月球!Sunshine City「多啦A夢大電影—大雄的月面探測記公開紀念活動」
 - 1 year ago
日本Family Mart必買!超人氣「能吃的牧場牛奶」新品 滑溜梳乎厘布丁極濃奶香味!
CASS - 6 months ago
THREE 2020 春季指甲油 是時候準備為指甲換上春裝啦
Suey - 4 months ago
東瀛遊旅遊主題 一家人旅行開心到暈!
chiken - 1 year ago