農曆新年即將來臨，日日做到冇停手，平時返工連食個晏或者晚飯都食得匆匆忙忙，就黎到假期，梗係要瞓番個靚覺兼食餐好嘅。週末係放鬆嘅好時機，而具備美酒佳餚嘅Brunch更符合各人嘅要求。小編最近就揾到一個好選擇，就係位於中環嘅高級阿根廷餐廳Gaucho，藉住新春佳節推出全新假日早午餐菜單。無論您係健康素食主義者、抑或係無肉不歡嘅食肉獸，Gaucho保證能夠令你大快朵頤。能夠喺裝潢高雅嘅環境下，喺指定餐牌上嘅精選美饌於2小時內任你無限次點選（主菜除外），高級菜餚一次過食翻夠本。減肥？過埋年先講啦！

以種類繁多兼令人垂涎三尺嘅美味頭盤黎慶祝週末嘅來臨啦！頭盤選擇分別有迷你牛肉餡餅同經典Humita配忌廉粟米及香蔥，以及燉牛背肋骨伴以由芝麻、鮮橙肉及酸辣椒調製而成醬汁。

如果想食得清淡啲，亦可以試試呢兩款阿根廷招牌冷盤－醃海鮮：由西柚、墨西哥辣椒及青芥末沙律醬配搭製成嘅檸汁醃生鱸魚粒同檸汁醃吞拿魚生。

素食者則可選擇西瓜沙律伴牛油果、菲達芝士、辣椒、薄荷、羅勒及烤杏仁。

主菜方面，所有主菜均配以沙律及薯條俾您同朋友分享。較輕盈嘅選擇有焗鱸魚配蕃茄乾或全新推出嘅烤無骨雞配檸檬；而素食者一定會愛上簡單清新嘅檸檬羅勒意大利燴飯。想真正體驗Gaucho嘅招牌菜式，你一定唔可以錯過廚師精心挑選嘅一系列牛扒，嗜肉者可選擇Bife De Ancho 肉眼扒 (200 克) 配阿根廷蕃茜醬，或肉質軟腍多汁嘅Bife de Chorizo西冷扒 (300g) 。

Gaucho精緻及任點任食嘅甜品系列有Mango and Passionfruit Mess、朱古力布朗尼及海鹽焦糖芝士蛋糕等，必定能夠滿足喜愛甜品嘅您。

如果您戒緊酒，小編推薦您選擇無酒精雞尾酒，包括自家製薄荷檸檬汁（以鮮薄荷、鮮搾檸檬汁、糖漿及梳打調配）、Pan Americana（以藍莓、士多啤梨、小紅莓汁、薄荷調配而成並加入碎冰）或Ginger Crush（以新鮮薑、青蘋果汁、奇異果醬、薄荷及青檸汁調配）。任飲優惠包含Veuve Clicquot 香檳、餐酒及精選雞尾酒。請參閱以下有關任點任飲餐單資訊。

除咗美酒佳餚之外，Gaucho 亦會係星期日為帶埋小朋友一齊用膳嘅您安排一個兒童玩樂室，入面有不同嘅遊戲同玩具，等大人小朋友都可以盡享週末時光。
 

Gaucho早午餐逢星期六、日及公眾假期供應，時間為中午12時至下午3時30分。每位顧客收費由HK$350起，可於兩小時內無限次點選頭盤及飲品，讓你可以盡情吃喝，滿足口腹之慾。

PICARO HK$350
- 包含任點任食頭盤、配菜、甜品及一款主菜
REFRESCO HK$450
- 包含任點任食頭盤、配菜、甜品及一款主菜
- 包含汽水及精選無酒精雞尾酒
BEBIDA HK$600
- 包含任點任食頭盤、配菜、甜品及一款主菜
- 包含無限量供應Veuve Clicquot 香檳及精選雞尾酒
*4-12 歲小童收費HK$100
*4 歲以下小童免收費
*如欲享用額外酒水，每人每小時加HK$250

詳情請參閲www.gauchorestaurants.com
 

Gaucho全新假日早午餐（每人港幣$350元，另收加一服務費）
日期：由即日起逢周六、日及公眾假期，中午12時至下午3時30分供應
地址：中環皇后大道中31號陸海通大廈5樓
訂座電話：2386 8090