唔知係咪今年新年去睇得太多商場佈置，見到一棵棵真真假假嘅桃花盆栽之後，小編好想真真正正去桃花林睇下(小編見識少，由細到大都只係見過係年宵啲桃花甘大把)，咁啱又聽到深圳蓮花山公園有桃花林，仲已經開晒花，就拉埋攝哥哥去咗睇吓！

Photo via 小飞醉美食的 

係介紹路線之前比大家睇下網友同小編自己影嘅相睇下有幾多花先！滿滿一大片桃色花朵，映係眼前真係超壯觀！

睇我地影得幾High?360度都係花～～～～好開心！想去呢個甘大嘅桃花林，其實好簡單，只要搭巴士係北大醫院站或者蓮花北村站落車，一入蓮花山公園就見到大大片桃花啦！

小編就幫大家搵咗唔同口岸過關應該要點搭車去桃花林，大家可以參考一下。

小編自己就覺得羅湖最方便，大家可以掃圖上嘅QR CODE導航。

其實小編係由中心書城行過去，大家如果有腳骨力都可以試下，不過要上落樓梯，唔好睇佢只係一個市區嘅公園，其實個公園超巨型，都要行一大段時間架，小編都用咗大約1個半小時先行到去桃花林，由於我一心要去轉桃花運，中途都係走馬看花，如果走走停停大約要3小時架，不過一定值得，因為呢度啲花開晒啦！

如果好似小編甘行晒大半個公園，大家就會睇多好多花，仲有小編最近愛上嘅可愛花，全部都好似花田甘密密麻麻一片藍色，真係睇到人心花怒放！

想好似我地咁行就可以係風箏廣場入藍楹路，一直向蓮花池方向走，就會見到上山嘅樓梯，再落返山就會見到桃色片片，都幾有苦盡甘來嘅感覺！