最近天氣開始熱,恩恩想同大家推薦一個應景嘅影相道具,就係仙人掌啦!
其實之前小編都有介紹過仙人掌園,不過就係台中,今次同大家介紹另一個地方,就係廈門園林植物園入面,叫做多肉植物區。
未入去就見到一枝枝高過人嘅仙人掌,行近仲見到一堆圓碌碌嘅小仙人掌,形成好大對比,好多人會係度打卡影相,但小編建議大家可以行入少少先影,會冇甘多人,放心任影。
呢度有成2000種以上大大小小嘅仙人掌同多肉植物,占地4萬平方米,片地都係仙人掌同沙生植物,好似進入咗令一個國度咁。
我地係假日去玩,其實真係好多人,但係匿大嘅仙人掌園之中都搵到好多冇人嘅影相位。唔怪之得呢度變成婚紗同網紅嘅拍攝聖地啦!
呢度仲有個溫室咁樣嘅仙人掌植物展館,呢度嘅園景同出面沙漠嘅感覺又唔一樣,好似園景甘,係度見到更多小小仙人掌品種,有唔少仲開咗花,有啲仲成隻Minion咁,好鬼得意啊!
再向入面行,係一間放住大大小小仙人掌盆栽嘅玻璃房,仙人掌原來都可以爭奇鬥艷,有啲以形態取勝,有啲開出鮮艷嘅花朵,仲有小清新系列開出小排小花,不過恩恩都係最鐘情一粒粒小仙人掌破,外表肥嘟嘟、毛絨絨好可愛,你地又鐘意邊一種呢?
恩恩小Tips:
由於多肉植物區嘅位置比較高,唔想行山可以係山腳搭巴士,5蚊一位。
多肉植物區係沙地,如果大家唔想好似我甘成腳都係沙就記住著密實啲嘅鞋啦!
Tags: Homita小出走
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like