唔少人都會趁住夏天約埋啲朋友周圍去玩，一玩就會去成日。玩玩下個妝化咗就要係當街補妝，真係好麻煩。想化個可以持久嘅妝容？咁就要嚟睇下VDL新推出嘅Supreme Collection持久柔光系列啦。

講下粉底液先啦，新推出嘅係Face Supreme Satin Foundation極上緞面柔滑粉底液SPF20, PA++ 30ml ($330)。佢唔單只可以撫平臉部紋理同均衡返膚色，仲可以提升臉部感光度，令你擁有持久而完美嘅妝容。另外佢入面有黑珍珠同珍珠兩種成份，可以透過微細粉末技術嚟填補臉部細紋，只係輕輕一抹就會貼住肌膚，令皮膚望落去光滑細緻。粉底液仲用咗品牌獨有嘅Luminous Oil技術，注入高折射光油同光持久油，令粉底嘅光亮更加持久，幫你保持住魅力四射嘅靚樣行街。

講到化妝又點少得唇膏呢？VDL仲推出咗Rouge Supreme Shine極上閃耀亮色唇膏  3g ($220)。呢個唇膏系列有10款光感色澤擁有100%嘅完美顯色度，可以保持雙唇水潤同有光澤，令你幾時都咁美豔動人! 呢款唇膏仲有獨特質地，不但好柔軟，仲係用保濕劑精華製成。所以佢有雙重保濕效果，一方面可以防止唇上水份蒸發，另一方面就可以將水份保留係嘴唇上。呢個系列除咗改善到皮膚粗糙嘅問題之外，仲會增加皮膚嘅水份含量，令你嘅唇妝保持到幾時都有好水潤嘅效果，咁就唔怕個太陽曬到個唇乾哂啦！

由5月4日起，只要購物滿以下指定金額，即就可以獲贈豐富禮遇：$600 可以得到皇牌妝前乳迷你彩妝組合乙套，而$800就會有亮肌調色肌底套裝乙套。由5月18日起至6月3日，購買極上緞面柔滑粉底液即可獲便攜粉底液掃一支（原價：$200），購買極上閃耀亮色唇膏就可獲便攜唇掃一支（價值：$120）。 數量有限，先到先得。有咁多優惠，各位要把握機會快啲去買啦！