對我嚟講行街經過嘅時候一定會行嘅地方就係IKEA啦，內面嘅家居設計同埋靚到爆嘅傢俬令人眼前一亮，到搞到我次次都行到唔捨得走。最近IKEA又有咩新計劃呢？

最近 IKEA 同瑞典籍時裝界耀目巨星 Bea Åkerlund 攜手打造咗最新嘅OMEDELBAR系列。呢個系列由6月1號起係香港限量發售，而主題就係哥德風格，入面嘅家具設計都非常華麗，。咁特別嘅設計係唔單只係希望引領大家進入奇幻世界，亦都想提醒大家要忠於自我，唔好俾其他人嘅眼光局限咗自己嘅創意同個性。

OMEDELBAR系列嘅精髓在於打破常規，唔隨波遂流。系列設計反轉咗傳統尺寸嘅概念，例如系列中推出咗可以掛係牆上嘅懷錶同將紅唇放大而成嘅抱枕，另外設計師亦加入咗愛麗絲夢遊仙境中嘅經典高帽子形象去增加家居嘅奇幻感。除此之外，IKEA仲有另一個新突破。今次係製作網格設計嘅手型裝飾上IKEA就利用咗3D打印嘅技術去進行大規模生產，推動創新技術。當然，系列中仲有其他別樹一幟嘅設計等住大家親自去IKEA發掘啦!

Bea Åkerlund希望透過今次嘅設計鼓勵大家唔好太刻板咁生活，應該為生活找尋小趣味。假如你睇厭咗一成不變嘅家居，就去嘗試轉換一下風格啦。相信Bea Åkerlund嘅家居設計會令哥德式華麗同荷里活魅力滲透你屋企，俾你耳目一新嘅感覺，令你揾返自我。