唔少女士鐘意行商場,同時又好鐘意掃街,有無諗過有一日兩件事可以合二為一,同時進行呢?領展旗下嘅商場 TKO Gateway 就好貼心咁樣打造咗首個商場美食街 TKO Gateway Food Lane,入面匯聚咗超過二十間人氣食肆,提供咗多種異國美食俾大家大快朵頤,等你地可以係夏天掃街都唔怕熱。
TKO Gateway Food Lane入面有提供唔同種類嘅美食,一定滿足到唔同食客的嘅需要!例如人氣爆燈嘅「豪園小食」,當中馳名嘅炸一字雞翼香脆可口,新店仲不定時推出新口味,包括蒜醬豉油、車打芝士等,當中咸蛋黃味嘅「黃金脆脆」仲係炸一字雞翼嘅招牌菜,保證你一試難忘!
美食街當然少不了東瀛美食啦!「鮪世市場」由具15年日本料理經驗嘅師傅每日新鮮炮製本鮪壽司盛,其中吞拿魚腩壽司入口即溶,真係無得彈呀! 如果係幾個女孩一齊去嘅話就唔可以錯過「Smuki」嘅法式泡芙條,鬆化之外仲充滿香滑奶油,令人吃食到停唔到口。
身在香港又點可以唔提本地嘅經典小食呢?我第一時間就諗起魚蛋啦!「大哥大魚旦」嘅魚蛋,粒粒爽口彈牙,仲好惹味添。「Snacks Factory」除了提供街頭小食外, 仲有多款創意小食,例如芝士肉醬腸粉同泡菜肉醬腸粉等俾大家品嘗。
想要異國風情嘅話呢度都滿足到你。「Lemon Leaf House」由泰國師傅主理,提供沙爹串燒、海南雞飯及千層蒸糕等嘅泰式美食。 另一推介「Gourmet Tasty」就令你置身台灣夜市,佢提供咗多款台式小食,包括手抓餅、鹽酥雞及紅豆芋圓豆花等。「中東風格」就有正宗中東師傅炮製中東卷及雜錦海鮮薄餅等,令你品嚐地道美食!
地址:TKO Gateway 東翼地下 Food Lane (港鐵坑口站 A1 出口)
營業時間:每日上午 10 時至晚上 10 時 (開放時間因應個別商店而有所不同)