演藝圈內有名氣嘅藝人望落去外表光鮮，過住人人稱羡嘅高級生活，但你又有無諗過光鮮背後又隱藏咗幾多陰暗事情呢？今日為大家介紹一部電影，為你掀開華麗背後不為人知嘅黑暗。

《星光睡美人》係日本年輕新銳導演二宮健執導，改編自佢嘅另一部短片作品《睡美人的極限》。呢部電影揾咗女星櫻井友紀同男星高橋一生飾演一對戀人。故事講述抱有明星夢嘅亞紀 (櫻井友紀 飾)，隻身去到東京打拼。係地下俱樂部老闆海斗 (高橋一生 飾) 嘅幫助下，加入咗馬戲團，擔任魔術師嘅美女助理。每個夜晚，她都要著住輕薄嘅小禮服登上華麗舞台，任由魔術師將她催眠並進行表演。日復一日的催眠，令她漸漸迷失係妄想當中。因為只有係夢入面先可以留住與逝去戀人留低嘅美好回憶，同埋忘記明星夢碎嘅現實。

影片入面櫻井友紀飾演嘅亞紀在至愛離開後，過住糜爛人生，不但被黑幫性侵，連辛苦取得嘅女主角角色都被搶走，陷入混亂嘅她穿著薄而貼身嘅黑色小裙，帶住舞會面具，係酒吧內飲烈酒。喺呢一幕各個演員戴著舞會面具，寫實咁呈現充斥酒精同藥物嘅性愛派對現場。二宮健導演特別用咗霓虹色彩描繪呢啲黑暗場面，繽紛華麗嘅視覺感官加上震耳欲聾嘅電音舞曲令場面更加震撼，亦令觀眾有一個更豐富嘅體驗。

《星光睡美人》利用一名年輕女生渴望成名嘅故事去描繪咗社會邊緣人嘅黑暗面。呢部電影不但有令人無法移開目光嘅強烈視覺影像，仲觸及日本演藝圈嘅潛規則呢個沉重嘅議題，亦有討論到人性核心價值。睇完呢部電影你就會了解到一個演員嘅鍊成實屬不易，當中不為人知嘅辛酸真係非常人可以明白呀。