大家有幾耐未有係街上面見過冰室呢？係咪好想同親人朋友再次一齊感受本土情懐同一探舊冰室嘅文化蹤跡呢？2017年四月就有一間十字冰室係喺西營盤高街開張啦！除咗有傳統冰室美食之外，入面仲提供咗多款創新菜式，令新意同傳統融為一爐，創造出獨特嘅冰室。

呢個冰室美食計劃係由Studio City Holdings悉心打造，炮製咗一系列色香味俱全嘅冰室美食，部份菜式仲加入了同屬集團嘅傳統牛奶品牌 - 十字奶作食材，為呢個有一段歷史根基嘅牛奶產品品牌注入新力量，亦令年輕一代可以用一個嶄新嘅角度認識傳統品牌。十字冰室仲特登選址喺新興美食聚腳點西營盤，並主打破格創新美食去迎合果個地段嘅新潮氣息，而且冰室嘅價錢親民，啱哂成班人約埋一齊去食呀。

全店裝潢結合咗懷舊香港元素同摩登風格，包括有搶眼霓虹招牌、手寫餐牌、復古紅磚牆、懷舊窗花、到貼滿街招嘅牆身鐵閘等。咁富有香港特色嘅設計就當然會成為「打咭」熱點啦。全店以紅、白、灰、黑為主調，突破咗傳統冰室形象，另外仲採用咗極具復古風嘅紅磚牆、傳統墨綠色鐵窗花、舊式防破玻璃配以新派黑色格仔磚地、白磚與灰牆混搭，然後再配置簡潔白色餐枱同開放式水吧，而洗手間嘅門口就貼滿街招，可以見到每個細節都花盡心思。

店內另一亮點就係吧枱位由著名藝術家Alana Tsui操刀嘅巨型壁畫，當中揉合幻化多端嘅流線形圖案同單色調，仲用牛奶嘅獨特流動形態，表達出生生不息嘅活力同冰室獨有嘅創造力。大家仲唔快啲約埋一齊去呢間咁有特色嘅冰室打卡食野？