都市人幾乎日日都外出食飯，而街上餐廳多數都係得啲多肉少菜嘅配搭，除非你自己特地叫一盤青菜，唔係嘅話餐桌上面真係可以一啲青色都見唔到。除咗缺少蔬菜，餐廳食品仲含有大量嘅油盬糖，長遠嚟講會對身體造成負荷，不利健康。

想健康嘅話最好就當然係喺屋企食啦，唔單只可以自己揀選食材，仲可以控制加幾多調味料入料理裏面。為咗推廣吃在家中嘅健康飲食生活，領展街市第一次夥拍 P 助與粉紅兔兔推出「領展街市 x P 助與 粉紅兔兔快樂巡禮」活動，希望用佢地嘅食物盒套裝為飲食時間增添趣味。P 助與粉紅兔兔仲會係指定領展街市及商場快閃現身，同粉絲見面添！想要野生捕獲佢地？咁就要留意下佢地咩時間喺咩地方現身啦！

6月 2日就有兩個時間段可以見到佢地，分別係上午 11 點至下午 12 點半喺蝴蝶街市，又或者係下午2點至3點半喺天盛街市。而6月3日就會提供三個時間段，分別係上午 10 點至 11 點半喺樂富街市，下午12 點半至 2 點喺沙角商場，又或者係下午 3 點至 4 點半喺大元街市。想見到P助與粉紅兔兔嘅話就記住係上述時間去到指定地點見佢地啦。

咁P助與粉紅兔兔食物盒套裝又係可以點樣換領呢？只要大家去到指定街市(大元街市及商場 、天盛街市及商場、樂富街市及商場、沙角商場和蝴蝶街市及商場)，用電子貨幣(信用卡/易辦事/八達通/手機支付程式 )係一星期內累積消費滿 1,000 港元或以上，憑住不同商戶發出嘅正本機印發票最多 5 張 (其中最少 3 張須由街市之不同商戶發出，而沙角商場則不在此限)，就可以免費換領 P 助與粉紅兔兔食物盒套裝 1 套 (1 套 2 個) 。由6月3日起就可以開始係大元街市、天盛商場、樂富街市、沙角商場及蝴蝶廣場嘅顧客服務台換領，時間係上午10 時至晚上 8時。今次共有1980份套裝俾大家換領，先到先得，換完即止。如果想帶佢地返屋企嘅話就要快啲行動啦！