夏天嘅天氣好唔穩定,令肌膚無所適從,好容易就會引起敏感症狀。如果想減低皮膚敏感情況嘅話,做好補濕就係相當重要嘅一環。LANEIGE全新推出深層去角質潔面乳以及溫和水嫩潔面乳,成分天然之餘仲強效補濕,即使喺潔面之後都唔會有乾燥感,實行補濕由洗面開始!
Multi Deep-Clean Cleanser深層去角質潔面乳可以溫和咁幫你去除老廢角質,溶解油脂同彩妝。入面嘅天然木瓜酵素可以徹底溶解毛孔殘餘污垢、油脂同埋死皮,亦可以提亮膚色。而藍莓成分就有強效抗氧化功用,可以抵抗游離基污染,幫你保持肌膚健康光澤。
當中仲有天然纖維顆粒去幫助排走毛孔內嘅污垢,同埋去除老化角質。呢款潔面乳用咗不澀眼配方,亦通過皮膚科測試證實佢溫和親膚,令用家加倍放心。
Moist Cream Cleanser溫和水嫩潔面乳温和不刺激,當中蘊含14%白芒花籽油,可以強化肌膚天然屏障,改善粗糙膚質,同埋深層滋潤乾燥肌膚,達到補濕鎖水嘅功效。佢嘅補濕效果仲比一般膏狀潔面乳高出3倍。
當中仲有太陽花籽油成份,內含豐富維他命E,可軟化肌膚,令其變得細緻幼滑。洗面時可以搓出綿密泡沫,幫肌膚補濕同埋做清潔,為之後嘅肌膚護理做好準備。另外呢款潔面乳亦用咗獨有專利Oil-Fill TM技術,等潔面泡泡充滿天然滋養油份,令你洗完面都唔會覺得乾澀繃緊。
以上兩款潔面乳都換上咗全新包裝瓶身,Multi Deep-Clean Cleanser有藍色瓶身,上面印咗藍莓圖案,喻意抗氧淨化。而Moist Cream Cleanser就有粉紅色瓶身,上面印咗白芒花圖案,象徵滋潤補濕。呢個夢幻嘅設計真係令人少女心大爆發呀。
想成個夏天都有靚靚肌膚?快啲去買LANEIGE嘅深層去角質潔面乳同溫和水嫩潔面乳,就此踏上保濕旅程啦!