世界體壇盛事正式開鑼，相信大家都已經投入到世界盃嘅熱潮當中啦 ！身為球迷嘅你追看足球賽事係理所當然，新鴻基地產旗下將軍澳旗艦商場東港城就特意為各位球迷打造佔地8,000呎、區內最大型嘅室內足球影院，足本直播全部精彩賽事。

6月14號晚東港城就舉辦咗首場《東港城VIP至尊球迷通行證》通宵球迷派對，吸引超過百名球迷參與開球禮，高峰嘅時候約有400多名球迷齊集參加開球禮，帶嚟高漲氣氛。首日仲特意邀請咗香港著名花式足球運動員馮國謙、莫志權同馬偉澄到場為現場球迷炒熱場面，仲同在場嘅大小朋友大玩巨型足球，未開波先興奮。

現場仲特設宵夜零食加油站，再配合最佳視聽設備及按摩座椅，及經典日本足球動漫Captain Tsubasa（前：足球小將）角色陪大家睇波，仲為球迷帶嚟數碼化購物體驗，首創網上自助登記VIP豪華位QR Code派對門票，等一眾足球狂迷可以享受至尊睇波體驗，令商場成為全港氣氛最好嘅睇波熱點。

由6月14號起到7月15日期間，東港城都會喺一樓中庭開設球迷狂熱派對，一律會係比賽日第一場球開始前15-30分鐘開始。呢段期間喺東港城場內以電子貨幣 (包括： 信用卡、 易辦事及八達通) 消費滿$1,000，並喺https://eastpointcity.hk/ 進行網上登記，即有機會得到「東港城VIP至尊球迷通行證」，每張收據最多可換領名額兩個。

有個咁好嘅地方睇波，唔理係大人定細路都可以好好咁享受球賽帶嚟嘅開心時刻啦。