對於外遊嘅人士嚟講，交通費可以話係一個令人相當頭痛嘅一件事。但喺日本出街搭車竟然可以唔洗錢？點會有啲咁筍嘅事呀？你無睇錯，喺日本搭車的確係可以唔洗錢。
nommoc係由吉田拓己先生一手創立嘅公司。佢推出咗nommoc app，當你想搭車嘅時候就可以喺app上面留低你嘅資料，例如你嘅性別，年齡同感興趣嘅事物等等，然後你就可以係app上面指明上車位置，架車就會嚟接你咖啦。
車上會有唔同店舖同商品嘅廣告播放，佢地全部都係圍繞你嘅興趣而選擇出嚟嘅，相信唔多唔少都會合你心意。只要睇一程廣告就可以搭到免費車啦，話唔定仲可以發現到自己感興趣嘅商品添，真係一舉兩得！
因為nommoc係啱啱推出，所以會先以福岡同天神為中心點開始運行，之後就會加大範圍到日本各地，更期望可以喺亞洲，甚至喺世界上嘅主要城市行駛。會去日本旅行嘅大家不妨去試搭一下，可以慳返啲交通費去購物食野呀！
Tags: homita新鮮事
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
