國泰航空要迎接首架空中巴士 A350-1000 客機加入機隊啦。國泰共訂購 20 架同型號客機，今年將共接收 8 架 A350-1000，其餘 12 架客機則於 2021 年前全部接收。A350- 1000 客機初期將運作亞洲航線， 其後會喺 9 月 15 日運作華盛頓新航線，並喺今年冬季運作馬德里、特拉維夫、阿姆斯特丹、曼徹斯特及蘇黎世航線。

國泰航空顧客及商務總裁盧家培表示國泰擁有業內其中一支最年輕長途機隊， 隨住 A350-1000 客機陸續加入，國泰機隊將會更加年輕。 A350-900 機隊推動國泰高速拓展長途航線網絡，為乘客提供更廣泛嘅不停站直航選擇。

 A350-1000 客機具備出類拔萃嘅運作功能：航程長、極具燃油效益、運作時非常寧靜。呢個型號以勞斯萊斯 Trent XWB-97 引擎驅動，擁有充裕嘅載貨能力。不但為乘客提供舒適愜意嘅機艙環境，運作效益亦極為超卓。

喺短短兩年間，國泰以 A350 機隊開辦多條不停站直航航線，包括巴塞羅那、布魯塞爾、基督城、哥本哈根、倫敦格域、特拉維夫，同埋最近啟航嘅都柏林。11 月啟航嘅開普敦新航線亦將以 A350-900 客機運作。

國泰航空嘅A350-1000 客機係 A350 系列中最大型嘅機種，其商務客艙，特選經濟客艙同經濟客艙總共可接載 334 位乘客，比 A350-900 客機可多接載 54 名乘客。 

乘客舒適度係為新飛機設計機艙配置嘅重心。當中包括全新嘅經濟艙座椅，配備更大及高清個人顯示屏幕、先進嘅機上娛樂系統同LED 燈光照明系統， 而機艙嘅寧靜度更係大大提升。 

另外，經改良後乘客喺整個旅程中都可以保持網絡聯繫。 同時，A350-1000 客機以較高嘅艙壓增加氧氣供應，從而紓緩乘客嘅疲勞感覺，令佢地可以享受更舒適嘅旅程。 

國泰航空積極推行多項措施，減低溫室氣體排放嘅影響。已投入服務嘅 22 架 A350- 900 客機，由法國圖盧茲出廠前往香港時，均採用混合航空生物燃料。至於 20 架空中巴士 A350-1000 客機, 亦將全部採用混合航空生物燃料啟程返港。 

國泰航空致力落實由 2020 年起碳中和增長嘅目標，採用生物燃料就係其中一項關鍵策略。同傳統航空燃油相比，生物燃料減低生命週期碳排放量達 80%。 國泰航空仲係全球首家投資航空生物燃料製造商嘅航空公司，推行將都市固體廢物轉化為可持續航空生物燃料嘅計劃。

國泰唔單只持續為我地提供更好嘅服務，亦相當着重環保發展，負起企業責任。大家喺選擇航空公司嘅時候不妨支持國泰呀。