當年紅爆嘅《交響情人夢》可以話係史上改編漫畫最成功嘅日劇，令到每個男仔心目中都有個野田妹，而每個女仔心目中亦有個千秋學長，但係依加飾演千秋王子嘅玉木宏終於要結婚喇，相信唔少女仔都覺得好似失戀咁！
有日本媒體就報道玉木宏將會係今個月26日閃婚，好多藝人對於佢地婚訊都好驚訝，估唔到千秋王子收得咁密。
到底係何方神聖可以令男神封盤？佢就係32歲的日本女星木南晴夏。有消息指玉木宏和木南晴夏係大約8年前透過朋友介紹認識，直到合作拍攝《女人的勳章》嘅時候擦出愛火花～拍拖接近兩年嘅佢地一直非常低調，真係好配服玉木宏嘅保密功夫！
原來木南晴夏曾經同香港先生高鈞賢發展異地戀，亦試過同樂隊ONE OK ROCK結他手Ryota拍過拖，至於玉木宏就曾經同加藤羅莎有過一段情，亦同深田恭子、北川景子等傳過緋聞，不過都係情歸細自己六歲嘅木南晴夏～祝福兩位幸福美滿❤❤
Tags: homita新鮮事
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
