各位文藝青年，呢個夏天又有打卡嘅好地方啦！新都會廣場「色彩夏日花祭」由7月7日至9月2日施展魔法，利用各式花朵為大家砌出一個個夢幻場境，等大家可以與戀人朋友喺彩虹天空之城漫步，展開心花怒放嘅夢幻色彩旅程！

白雲朵朵

呢個係夢幻旅程嘅開端，在閃閃的星空下，一朵朵純白雲朵俏然飄來！以白色棉花堆砌成一朵朵蓬鬆雲朵，佢地輕輕飄浮喺空中，配上俏皮嘅月亮，打造如夢似幻嘅國度，等你與戀人閨蜜盡情地與雲朵嬉戲玩耍，感受白色嘅淡雅與純潔！

粉紅花花世界

離開白皚皚嘅雲朵，率先進入5米高嘅粉紅花花世界，交織出不同形態嘅玫瑰花朵朵綻開，粉紅色與紅色相互交錯，緊隨著你的動作流動，讓你完完全全沉醉於玫瑰花之中，加上鏡子反射，讓玫瑰花帶嚟無邊無際嘅感覺，感受粉紅色與紅色嘅甜蜜與熱情！

橙橙菊海
離開粉紅花花世界，踏出戶外露天廣場，一片橙色花海吸引眼球！逾萬朵鮮豔燦爛嘅菊花一路綿延簇擁盛放，為綠地點綴一朵朵橘黃。熱情洋溢嘅菊花猶如送上窩心溫暖嘅微笑，加上獨特花香，令空氣中彌漫著芳香幸福嘅甜味。一同賞菊，感受橙色嘅温暖與活潑！

暖黃向日葵天梯
波斯菊花海過後，邂逅暖黃向日葵！踏上暖黃向日葵天梯，逾百朵黃燦燦嘅向日葵向陽盛放，鶴立雞群屹立於層梯之中，隨陽光、微風翩翩飛舞嘅向日葵花姿搖曳，散發著一股溫暖嘅感覺。一齊嚟感受黃色嘅陽光及光芒四射，期待專屬夏日的美麗場景！

綠野仙蹤

走上層梯，進入綠野仙蹤國度！喺一片綠意盎然嘅草地上，出現4座2米高青綠交織嘅拱門，淡綠小雛菊細膩地垂吊，隨風飄揚嘅雛菊，猶如彩蝶翩然起舞般唯美，與輕柔晶亮嘅小燈泡閃閃交映。與戀人閨蜜穿梭綠野仙蹤小雛菊，感受綠色嘅大自然與生命力，為炎夏增添無窮活力。

藍夢氣球

離開綠野仙蹤，向藍夢氣球進發！超過150個粉藍色嘅大小氣球，飄浮於半空中，配合以小巧可愛嘅藍色蝴蝶蘭點綴而成嘅「#MetroMoment」燈牌，散發閃閃光芒！夜幕低垂，氣球會呈現漸變效果，令你猶如身處粉藍幻彩世界，感受藍色嘅清新與清透，為夏天注入沁涼色彩。

薰衣草紫海迷宮

夢幻之旅最後一站，嚟到薰衣草紫海迷宮！蜿蜒曲折嘅迷宮全長約8米，由過萬株薰衣草打造而成，密密麻麻嘅薰衣草佈滿牆身，巡遊花海迷宮之中，彷如化身花精靈。加上垂吊喺迷宮牆面嘅小燈泡，喺夜間猶如滿谷飛舞嘅螢火蟲，營造出浪漫氛圍，喺迷宮中尋覓屬於紫色嘅浪漫。

旅程期間，只要喺場內七大彩虹打卡位任何位置留下倩影，上載至Facebook或Instagram，#hashtag「MetroMoment」及讚好新都會廣場Facebook或追蹤新都會廣場Instagram，即可獲得一份小禮物！

「色彩夏日花祭」活動詳情
日期： 2018年7月7日（星期六）至9月2日（星期日）
地點及開放時間： L3中庭 （上午10時至晚上10時）

                            L3-L4露天廣場（上午10時至晚上11時）

今個夏天就一於約埋朋友踏入彩色絢麗嘅國度，一齊打卡PO Instagram啦！