就到暑假，有小朋友嘅家庭安排好節目未呢？升級版歷奇公園就係個唔錯嘅選擇啦！佢提供豐富嶄新嘅遊樂設施，並配合都市農莊點綴生動獨特嘅巨型蔬菜藝術雕塑，打造充滿童真趣味且刺激感十足嘅升級版遊樂場。

歷奇公園嘅設計同生產都係嚟自芬蘭，適合3至13歲嘅小朋友，亮點係一座達6.5米高嘅大型遊樂設施，集滑梯、繩網、攀爬架、平行橋於一身，具5條不同設計與長度嘅滑梯。其中一條長達3.5米高嘅半透明設計滑梯筒兼備衝力與速度，帶嚟十足刺激感。

喺大型遊樂設施遊樂一番後，可嬉戲多款不同玩法嘅氹氹轉，包括蜷縮身體喺滾輪中感受猶如置身於洗衣機中嘅旋轉、前後左右移動嘅新式氹氹轉，體驗另類離心力，並透過唔同嘅合作遊戲促進社交互動。

3至5歲小朋友亦可以喺家長嘅陪同下盡情嬉戲玩耍，可以同父母一齊坐親子鞦韆上喺空中搖盪，都可以坐喺樹葉氹氹轉上享受由父母操作嘅轉動。歷奇公園同時增設敲擊樂器，增添音樂元素，全方位有助兒童嘅五感發展。

陪伴在旁嘅家長們，亦可使用由英國最新設計嘅遊樂場健身運動設施，具備手機充電功能，等家長們可以一邊陪伴孩子、一邊健身、一邊充電。健身運動設施設有大人及小童版本，一家大小都可以一齊做運動。

歷奇公園詳情
開放日期：2018年7月下旬
地點：L5歷奇公園
開放時間：上午10時至晚上7時

喺呢個公園，小朋友可以盡情渾灑精力之餘，父母亦可以享受親子樂。今個夏天不妨全家出遊去大玩一番呀！