今個暑假,人氣動畫 PJ Masks 嘅三位主角 Catboy、Gekko及Owlette會以皇室堡作為英雄基地。佢地日頭就好似其他小朋友咁,忙住返學玩耍,但一入夜就會着上睡衣,變身睡衣小英雄,一齊歷險、保衛和平!
佢地而家正係召集緊全港小朋友加入皇室堡 x PJ Masks睡衣小英雄聯盟,集結眾人力量,帶領各路小英雄,一同拯救地球!
皇室堡 x PJ Masks睡衣小英雄聯盟將會係PJ Masks香港首個主題裝置,三位主角率先現身銅鑼灣街頭,展示快閃舞動超能力,分發三位睡衣小英雄面具俾小朋友,人人以此為記,助PJ Masks一臂之力!
日期:7月6日 (星期五)
時間:晚上6時30分及晚上7時30分
地點:銅鑼灣記利佐治街 (港鐵銅鑼灣站E出口銅鑼灣地帶前)
*PJ Masks將會於現場派發「PJ Masks面具」。(數量有限,送完即止)
同時,皇室堡英雄總部嘅藍圖亦率先曝光,三大睡衣小英雄嘅基地「Catboy閃速極陣」、「Owlette飛翔天地」及「Gekko巨力地帶」令人期待。
Catboy閃速極陣
Catboy行動迅速,快如閃電,耳聽八方,主守基地中心,保衛印有三位英雄標誌嘅「睡衣小英雄總部」,供應能源給整個英雄基地!同時Catboy嘅專屬Cat-Car亦準備就緒,為任務隨時出發!
Owlette飛翔天地
Owlette敏捷輕盈,如風翱翔,視力橫掃千里,傲視基地右側,守護著後方「PJ Masks 英雄拍攝基地」,讓新加入的大小英雄可與PJ Masks互動拍照,正式成為聯盟一分子!Owlette的Owl Glider停降在前,為你嘅冒險之旅啟航!
Gekko巨力地帶
Gekko力大無窮,飛簷走壁,擅於潛行,鎮守基地左側,以維持「PJ Masks小英雄大任務」遊戲的運作,俾新加入嘅大小英雄喺執行任務前有足夠嘅訓練,無懼日後挑戰!Gekko嘅Gekko-Mobile泊放在側,預備與睡衣小英雄們潛行大道小巷,一同探險!
同場仲設有「皇室堡 x PJ Masks睡衣小英雄聯盟 期間限定店」,為一眾小英雄添置裝備,抵擋惡勢力。快啲加入皇室堡 x PJ Masks睡衣小英雄聯盟,今個夏天一齊探險啦!