對於唔少女生嚟講，眉妝往往係妝容嘅關鍵。佢唔單只可以修飾面型，突出面部輪廓，仲可以改善個人觀感，令人望落更加精神。

近年流行妝感較輕嘅「柔霧眉」，佢嘅精髓就係令眉毛望落好似天生嘅眉毛咁樣，唔單只要根根分明，仲會展現一種縹緲朦朧嘅感覺，令妝感望上去更自然柔和。 

為咗迎合最新彩妝潮流，日本人氣彩妝品牌 dejavu 推出全新 Natural Lasting 持久貼服眉粉筆。新產品採用二合一配方，將幼細嘅眉粉固化筆狀，效果自然。新配方嘅貼服成份仲具備防水功效，有效對抗皮脂、汗液、 搓揉導致嘅脫妝情況，令你嘅眉妝持續貼服一整天。
 

產品喺日本推出無耐就大獲好評，並獲得日本大型美容資訊網站@cosme-「The Best Cosmetic Awards 2016 上 半年美妝新品」眉妝組別第 3 位，可見產品相當受人歡迎！ 

眉粉筆嘅筆芯採用咗旋轉型設計，纖幼嘅直徑只長達 2mm，能夠輕鬆描畫眉尾等細微之處，即使係新手都可以輕易畫出細緻眉妝。先用眉粉筆勾畫出理想眉型，再利用另一端嘅眉刷暈開，眉筆成分隨即喚化成眉粉，輕輕鬆鬆打造出自然柔和嘅眉妝。 

產品仲有三種顏色可以俾大家選擇，等你地可以按返自己嘅造型或者係髮色去進行配搭。無論你想打造咩妝容，相信呢款產品都會可以幫你達到理想效果！