Netflix 韓國古裝史詩劇集《陽光先生》（Mr. Sunshine）發布咗最新預告同主視圖啦。本劇由韓國黃金編導團隊金銀淑「金編」與李應福導演再度聯手，集結超強韓劇星光 — 久違電視螢幕九年嘅李炳憲，與《下女誘罪》驚艷女角金泰梨，將會喺聽日於 Netflix上與韓國同日獨家首播。

 
《陽光先生》會帶領觀眾重返 1905 年歷史時空，藉由出身家奴之子嘅美國軍官崔宥鎮（李炳憲飾演）與朝鮮名門之後高愛信（金泰梨飾演）嘅命運交會，編織出辛末洋擾時代嘅浪漫史詩。
 
預告片中，1905 年嘅漢城正處於國家民族動蕩之時，面對美國日本嘅步步進逼，身為朝鮮貴族世家高氏僅存血脈，愛信被爺爺訓練成一位戰士，希望她能拯救逐步走向滅亡嘅王朝。
 
然而，她就遇上敵我未明嘅韓裔美國海軍陸戰隊長官崔宥鎮，雖然兩人立場相異，但族裔相同嘅兩人喺一次又一次的對壘後，漸生情愫。
 
面對國仇家恨，身為朝鮮族人精神領袖嘅高愛信，難道註定要放棄她嘅情感？而崔宥鎮身為家奴之子，因目擊父母遭僱主毒打至死而出走美國，喺軍隊中同戰場上尋回自我價值與尊敬嘅佢，又會否因為愛而為高愛信留喺故鄉？
 
兩人如何克服命運嘅擺佈，化敵為友，繼而墮入愛河？

 
答案盡在 Netflix，《陽光先生》7 月 7 日與韓國同日首播：netflix.com/Mr.Sunshine
 
大家準備好，聽日開始追劇啦！