仲夏時節遊日，不可不到訪日本嘅夏祭，親身感受日本傳統文化。為咗等遊客早一步體驗日本夏祭，大阪梅田會喺今年7月28日至29日舉行「梅田浴衣祭2018」，等遊客喺炎炎夏日消暑降溫! 

今年嚟到第7屆嘅「梅田浴衣祭」以「環境共生」及「日本傳統文化」為主題，當唔少得每年嘅重頭戲「浴衣盂蘭盆舞」及「梅田潑水大作戰」! 而穿著浴衣到訪「梅田浴衣祭2018」嘅遊客，亦可於指定地點或店舖換領限定特典，大家又怎可錯過? 趁日圓近期有見回落趨勢，一於就血拼到底！

參與祭典過後，如各位夜鬼仍覺意猶未盡，仲可以去到位於Grand Front 大阪6樓的UMEKITA FLOOR與朋吃喝聊天! 當中16間餐廳均營業至深夜4時，只要出示優惠券或優惠之特設網站，晚上11時後下單仲可享9折優惠。今個夏天，就一於到大阪梅田吃、喝、玩、樂一番啦!

易學易跳「浴衣盂蘭盆舞」  兩日3000人參加的熱鬧大舞會

日本傳統文化一直都係梅田浴衣祭嘅主題，今年浴衣祭一如既往，喺7月28日至29日一連兩日下午6時至8時舉行重頭戲「浴衣盂蘭盆舞」，Grand Front 大阪會場嘅梅北廣場中央將會再次築起高臺，讓參加者穿著浴衣起舞。

去年「浴衣盂蘭盆舞」兩日內總共有多達3000人參加，今年同樣歡迎各界人士到場載歌載舞﹗盂蘭盆舞雖然係日本傳統文化活動，但作為日本潮流尖端嘅大阪梅田利用背景音樂，為傳統盂蘭盆舞加入潮流元素，背景音樂除咗傳統盂蘭盆舞歌曲，亦會包括最新、最流行嘅樂曲，等年少老幼都能參與其中。 

浴衣盂蘭盆舞詳情: 
日期: 7月28日至29日
時間: 下午6時至8時
地點:大阪府大阪市北區大深町4−1  Grand Front Osaka 梅北廣場

環保重頭戲「梅田潑水大作戰」特設新會場  清涼茶水免費自取 穿浴衣換領限定特典

梅田浴衣祭乃梅田當地居民的年度盛事，今年同樣以「環保」為另一大主題，致力舉行「梅田潑水大作戰」。今年的嘅「梅田潑水大作戰」會喺7月28日至29日下午4時至4時30分舉行，利用從 JR大阪站月台上圓蓋屋頂收集再過濾嘅雨水，貫徹日本人重視資源再用嘅環保思想。

此外，今年嘅特設會場除咗梅田Grand Front大阪會場﹑阪急茶屋町﹑大阪Station City，更以阪神梅田本店取代Diamor大阪，讓參加者體驗全新嘅潑水場地。到時大會會準備透心涼嘅免費茶水，為大眾消暑降溫，享受清涼嘅夏日。

另外，全個梅田區上下同心迎合祭典，當中41個地點及約170間店舖嘅店員將穿上日本浴衣，或設置和風飾品等候賓客大駕光臨。穿著浴衣到訪「梅田浴衣祭2018」嘅訪客亦有福了! 大阪梅田為咗將夏日祭典氛圍推至高峰，讓每位身穿浴衣嘅客人都可以喺指定店舖換取限定特典禮物，感受夏祭歡樂!

除咗「梅田潑水大作戰」，Grand Front大阪﹑阪急茶屋町﹑大阪Station City， Diamor大阪4個會場均於同月嘅28日至29日下午安排一連串活動，讓遊客喺梅田好好感受日本傳統文化之餘，亦玩得盡興。

梅田潑水大作戰詳情:
日期: 7月28日至29日
時間: 下午4時至4時30分
阪神梅田本店潑水會場地點： 阪神梅田本店東面 （御堂筋旁）
阪急茶屋町潑水會場地點： Nu茶屋町東面
Grand Front大阪潑水會場地點： 梅北廣場
大阪Station City潑水會場地點：大阪Station City　鐘樓廣場地下1樓

Grand Front大阪UMEKITA FLOOR開放至凌晨4時　16間中、日、西式餐廳任君選擇
白天到梅田浴衣祭狂歡後仍意猶未盡，到Grand Front大阪的UMEKITA FLOOR方算盡興! UMEKITA FLOOR匯聚16間日式、中式、西式等精選餐廳酒吧，全部均營業至深夜4時，讓遊客參加完各項祭典活動後，可轉場到此享受各種風格的美酒佳餚。

由和牛、豚平燒、燒肉、烏冬、炸雞、西班牙海鮮飯、墨西哥卷、Pizza、生蠔、蛋糕等美食，到日本酒、梅酒、紅酒、雞尾酒、水果酒等美酒應有盡有﹗晚上11時後下單，只要出示優惠券或優惠之特設網站更可享9折優惠﹗食物選擇又多又划算，更可悠閒地品酒談心，吃貨切勿錯過！

營業時間: 星期一至六 /日本法定假日前：上午11時至凌晨4時，星期日 /日本法定假日：上午11時至晚上11時
地點: 大阪府大阪市北區大深町4−1  Grand Front Osaka 北館6F
9折優惠詳情:晚上11時後下單，並向職員展示以下優惠券或優惠之特設網站(http://gfo-sc.jp/umekita-floor/)
9折優惠券: