女士們減肥嘅時候相信會面對一個重大嘅難關，就係忍唔到口！喺網上睇下減肥成功嘅人分享出嚟嘅餐單，就知道每一餐食嘅野份量之少，有時仲會跳過咗晚餐，真係好艱苦。今日就等我同大家分享一個唔洗餓到頭暈嘅餐單俾大家啦！

唔知大家有無聽過斷食法呢？呢種方法係透過進行短時間嘅禁食同埋限制卡路里嘅攝取，從而令身體開始燃燒脂肪，提升身體嘅新陳代謝。

喺斷食最初嘅幾個小時內，喺血液中流通嘅葡萄糖會被消耗完畢。如果無進食嘅話，身體就會將儲存喺肝臟嘅肝醣分解成為葡萄糖進入血液中。斷食大約8到12小時後肝醣就會用完，身體就會開始燃燒脂肪，以提供所需能量。 

國際流行的輕斷食法共有三種。

5：2輕斷食法係指一星期中5天正常吃、不連續嘅2天進行輕斷食。輕斷食日可以每天兩餐為原則，兩個輕斷食日唔洗連埋一齊咖。男女喺少吃日嘅熱量攝取會有唔同嘅限制，女性不超過600大卡，男性不超過700大卡。

16：8輕斷食法係指一日嘅進食時間集中喺8小時內，例如早上9時到下午5時可以食野，之後禁食16個鐘。只要每天喺8小時內吃完3餐，就可以喺剩低嘅16小時內好好消化所攝取嘅熱量，並促進生長激素分泌，體脂肪就自然唔容易堆積啦。

6：1輕斷食法係指每周1天輕斷食，其餘6天正常食，喺星期日斷食就啱哂啦。喺輕斷食當日就要將攝取嘅卡路里控制喺700大卡內。

咁喺斷食日又應該食啲咩呢？

1. 富含蛋白質及低升糖指數嘅食物：雞蛋、魚肉、雞胸肉、豆腐、豆漿等，都可以提供大量蛋白質，至於主食就可以食全穀類，例如係全麥吐司、蕎麥麵、番薯等，佢地唔單只可以提供飽足感，又可以避免血糖上升過快。

2. 蔬菜多吃，水果適量：一般蔬菜熱量都比較低，只要烹調方式正確，就可以大量食用。水果嘅熱量則較高，所以都係要注意食用量。

3. 水份：維持充足嘅水份攝取非常重要，進行輕斷食嘅日子一定要飲多啲喝水。

有斷食法嘅話，大家就唔洗減肥減到餓暈咁慘啦！