圓方McSorley’s新餐廳 體驗愛爾蘭餐飲文化

圓方McSorley’s新餐廳體驗愛爾蘭餐飲文化

吃 Dining | by Coco | 6 years ago

今年7月，各位食家又有新餐廳可以試啦！喺香港擁有多個餐飲熱點的 Eclipse Hospitality Group 將旗下嘅 Grand Central Bar & Grill 搖身一變成為集團自家品牌 McSorley’s 嘅一員，喺Grand Central 嘅原址 - 圓方豪華商場 (Elements) 內，開設全新嘅愛爾蘭餐廳-McSorley’s Brewhouse & Grill。

新店將會盡情展現愛爾蘭酒吧文化，包括熱情嘅款待及悠閒歡愉嘅氣氛，等顧客喺新店體驗獨一無二嘅愛爾蘭式餐飲文化。

餐廳嘅設計結合愛爾蘭凱爾特人(Celtic) 嘅歷史及現代都市風格，匠心設計，令每一個細節充滿驚喜。餐廳下層採用舒適嘅真皮沙發長排座椅及實木餐桌配合特大電視，投影螢幕及高級音響系統創造出最舒適嘅環境觀看各體壇賽事直播。

移步至餐廳上層沿途經過一排奪目耀眼嘅銅製釀酒桶後，輕鬆氣氛配合菜單上嘅愛爾蘭經典美饌，締造出最適合家庭飯局或摯友歡聚嘅用餐環境。

全新嘅McSorley's Brewhouse & Grill 讓食客一次過品嚐傳統愛爾蘭佳餚以及現代酒館美饌。除咗傳統酒吧美食例如健力士牛肉批，炸魚薯條，安格斯牛肉漢堡以至戰斧扒，醬燒豬仔骨之外，亦少不了滋味海鮮如新鮮生蠔，烤虎蝦及白酒煮青口等。

餐廳以「扒爐」(Grill)命名，當然不少得一系列的明火燒烤肉類，由肉質鮮嫩嘅招牌T-骨牛排、燒鱸魚柳、肉汁飽滿嘅羊排以至醬燒豬仔骨等等，選擇繁多。週末及公眾假期期間仲設有早午餐單，等顧客可以同家人或摯友共聚天倫。

此外，稱得上「Brewhouse」更唔少得眾多嘅酒類選擇，除咗生啤、紅、白美酒及一系列嘅威士忌外，亦提供一系列首屈一指嘅本地手工啤酒，例如少爺啤、Kowloon Bay Brewery、黑鳶啤酒同門神啤酒。客人更可以吸引嘅價錢一次過品嚐類款不同種類啤酒 (Beer flights)。

McSorley's Brewhouse & Grill 每季均按時令及節日推出推廣菜式，唔少會因應愛爾蘭嘅盛大節日而設計，當中唔少得九月嘅 Galway 生蠔節同聖派翠克節 (St. Patrick’s Day) 等等。透過直接與愛爾蘭食品供應商嘅緊密合作，食客喺香港都可以體驗到最傳統嘅愛爾蘭味道。