打卡成為咗大家生活中不可缺少嘅動作，相信香港唔少地方都已經留低咗你地嘅痕跡。但打卡無理由係咁去相同嘅地方咖嘛，所以今日我就帶大家走出香港，去發掘外地嘅打卡熱點啦！

位於台灣高雄港 2 號碼頭嘅棧貳庫KW2原身係具有百年歷史嘅建築嚟咖，前身係日本人喺1914年於新濱町岸壁興建嘅磚牆瓦頂單層小型倉庫，本身喺攞嚟儲存砂糖同埋作輸運出口之用。

喺二次世界大戰期間建築遭到美軍轟炸破壞，1962 年國民政府為其進行重建，倉內無樑柱就係最大特色啦！到2003 年就被高雄市府公告成為歷史建築。

呢座建築曾經見證台灣經濟起飛嘅榮景，亦曾經淍零數十年。經過一年嘅活化之後，保留住老倉庫歷史建築元素嘅棧貳庫終於以嶄新嘅面貌出現喺公眾面前啦。

棧貳庫結合文創、餐飲、展覽等活動，並匯集咗臺灣嘅 30 個文創與餐飲品牌。位置仲令旅客可以全視角欣賞港灣景緻，日落時份嘅夕陽海景份外迷人。

棧貳庫旋轉木馬

旋轉木馬本身就係個好夢幻嘅裝置，絕對能夠滿足女士們嘅少女心同打卡慾望。呢個木馬仲係擁有聖潔嘅純白顏色，等你可以尋回童年嘅純真美好，回到童話世界。最重要嘅係旋轉木馬靠近海邊，所以喺玩樂同時你亦可以欣賞港灣嘅醉人景色。去到高雄遊玩嘅你千祈唔好錯過呢個打卡聖地呀！

運轉時間: 週日-週四14:00-21:00、週五-週六14:00-22:00
票價: 即日起至7/31全票每人NT$60 (原價NT$150)（兒童身高110公分以上、5歲以上）、
幼幼親子套票每組NT$ 90（成人與兒童身高未滿110公分或4歲以下）、
愛心票每人NT$ 30（身心障礙及一位陪同者）

棧貳庫
地址: 804高雄市鼓山區蓬萊路17號（七賢三路底）
電話: (07)531-8568
開放時間: 周一至周五 10:00-21:00，周六與周日 10:00-22:00