暑假最啱同屋企人或者係同朋友一齊飛去外地過返個開心假期，充一充電啦！今次介紹嘅地方就係位於屏東縣東港西南方嘅小琉球啦。佢係臺灣離島入面唯一嘅珊瑚礁島，島上有幾個好出名嘅自然奇景好值得大家去睇咖！

花瓶石

呢個為小琉球島上最著名嘅景點，去觀光嘅話就一定會去遊覧呢個地方啦。花瓶石嘅形成因為原本嘅海岸珊瑚礁被地殼隆起作用抬升，而頸部受到海水嘅長期侵蝕，所以就形成類似花瓶嘅特殊造型，加上岩頂上生滿咗臭娘子同盒果籐等植物，就好似插住花草嘅花瓶咁樣，所以就叫做「花瓶石」。

落日亭

呢度係全台灣欣賞落日嘅最佳景點之一，佢嘅位置對正台灣海峽。日落時份，橙紅嘅太陽就會緩緩落入水面之下，景色迷人。落日亭附近嘅海岸屬於珊瑚礁海岸，所以除咗落日之外，你仲可以欣賞美麗嘅海岸線同埋珊瑚礁群。

美人洞

美人洞位於琉球嶼的東北角，係小琉球上嘅著名古蹟。佢係喺民國四十六年嘅時候，由鄉公所所闢建嘅。美人洞主要由高位珊瑚礁構成，包括二十幾個各有特色嘅岩洞，如天外天、蝙蝠洞、一線天、望海亭及仙人洞等。

烏鬼洞

烏鬼洞嘅景觀相當奇特，有指呢個地方昔日曾日經發生一段黑奴血淚史，令烏鬼洞流出各種各樣嘅鬧鬼傳言。

蛤板灣

呢度有小琉球威尼斯沙灘嘅美名，仲有可以任你嬉水，游泳，以及進行浮潛嘅中澳沙灘。因為蛤板沙灘面對西面嘅海洋，所以黃昏時間就可以喺呢度欣賞日落美景啦。