提到日式美食，拉麵絕對榜上有名。多年嚟喺日本拉麵界享負盛名，並多次獲得日本雜誌及電視台多個拉麵選舉獎項嘅麺屋武蔵，喺呢個夏日推出基於姬路城神話嘅新品！

姬路城係代表日本近代城郭嘅古城，喺1993年被登錄為世界遺産。除咗係日本三大名城之一，亦被稱為「日本第一名城」。喺豐臣時期嘅傳說中，宮本武蔵奉命到姬路城嘅天守閣制妖。英勇無畏嘅武蔵喺最上層守護到天亮，刑部明神為咗答謝而化身為公主，賜予武蔵銘刀「鄉義弘」。

「大天守」粟米燒豚拉麵 $80

宮本武蔵致力守護姬路城，大天守拉麵猶如姬路城嘅佈局：今次採用咗傳統嘅白湯底，以牛油炒香嘅粟米就好似城中多座小城，巧妙嘅構造防止敵人入侵，而厚切腩件以黑椒醃過，煎至脆嫩。拉麵中亦配以蔥花及溏心蛋，看似簡單嘅食材經融合及精心烹調後，必定令你一食入魂！

加配飲料及小食嘅優惠亦隨住「大天守」拉麵一同推出。今次麺屋武蔵推出兩款全新小食，分別係香口嘅吉列蝦同埋清爽嘅海藻盛合沙律。

吉列蝦 $12

香脆可口嘅炸物向來都深得人心，今次嘅吉列蝦亦唔例外。吉列蝦表面炸至金黃色，香氣撲鼻。

海藻盛合沙律 $12

呢款沙律帶嚟清新感覺，佢係用咗四種海藻製成，包括碎海草，青海草，青冠草及紅冠草，再配埋和風汁同沙律汁呢兩款醬汁，然後加上紫菜而成。清爽嘅口感令呢款沙律好適合夏日享用。

巨峰葡萄椰果特飲 $10

飲品散發葡萄香氣，當中加入晶瑩剔透嘅椰果粒，果粒口感爽脆。喜愛巨峰葡萄嘅你不容錯過呢款特飲呀！

雜果特飲 $10
飲品加咗雜果粒同埋椰果，所以微甜嘅特飲中可以品嚐到各式水果嘅味道。

香港區
新鴻基 麺屋武蔵
地址: 香港灣仔港灣道30號新鴻基中心1樓101-103&101A-103A號舖 (2650 1538)

九龍區
Moko 麺屋武蔵
地址: 九龍旺角太子道西193號新世紀廣場第1層156號鋪 (2342 1425)

新界區
大埔 麺屋武蔵
地址: 新界大埔安邦路9號大埔超級城A區第二層027-030號鋪 (2918 4618)
馬鞍山 麺屋武蔵
地址: 新界沙田馬鞍山鞍祿街18號新港城中心二層2E-88號舖 (2461 1153)
青衣 麺屋武蔵
地址: 青衣青敬路33號青衣城 218B舖(2435 2660)
東港城 麺屋武蔵
地址: 新界西貢將軍澳重華路8號東港城第一層113號舖 (2606 5178)