屯門三聖係一個文化郊遊新景點，呢個隱世漁港位於青山灣東南岸，為生活喺「住家艇」上嘅水上人提供天然避風港。隨著時代變遷，水上人將豐富漁獲於岸邊擺賣，並開始吸引唔少附近居民及其他地區嘅市民專程到訪「尋鮮」，逐漸演變成今日別具漁港風情嘅三聖海鮮街。

三聖海鮮街的由來  漁民文化深度行

三聖海鮮街昔日係一座由一艘艘「住家艇」組成嘅水上浮城，後因漁民於街上擺賣漁獲逐漸演變成海鮮街。三聖水上人日常嘅主要食物係海鮮，特別對於烹調海鮮十分講究，仲積攢多代祖傳經驗，巧手烹調之餘，背後亦擁有不少動人故事。

時至今日，居民仍保留逾百年嘅風土習俗，例如天后誕有神功戲演出。除咗特色水上人文化外，屯門三聖邨附近亦有唔少隱世景點值得一遊， 例如評定為香港二級歷史建築嘅三聖廟、嘉道理碼頭及加多利灣等。炎炎仲夏，散步於毗鄰嘅青山灣海濱長廊，更可飽覽三聖避風塘及屯門海岸景緻。

三「識」教你玩盡海鮮街

三聖海鮮街一眾海鮮食肆喺今個夏天精選一系列特色海鮮菜式，為你策劃一個完美嘅「味覺」旅程，既可飽覽海港大自然風光，又可悠閒品嘗美味海鮮盛宴。三聖海鮮街保留傳統揀選加工模式，食客先到海鮮街挑選喜愛嘅生猛海鮮，再交由附近餐廳加工享用。

到訪三聖「識揀」、「識玩」、 「識食」尤為重要，分別是：

「三識」之一 識揀： 「揀蟹」：要揀蟹殻較硬，表示蟹較為肉多，當照燈時見微黃色表示有蟹膏；「揀鮑魚」：先看形狀，尖身嘅較為爽口，平滑飽滿嘅較為軟腍；「揀蝦」: 要先睇蝦身嘅色澤，有光澤嘅較為新鮮。

「三識」之一 識食： 嚟到三聖食海鮮，最不能錯過嘅當然係海鮮街「三大極品」—「生猛九節蝦」、「青山方利」及 「青山灣奄仔蟹」。除咗三大極品必食之外，三聖海鮮街仲有多款富有地道風味嘅特色名菜，供大眾選擇。

「三識」之一 識玩： 炎炎仲夏，一家大小或情侶可以前嚟「青山灣泳灘」，水清且沙幼，加上沙灘附近設有遊樂設施， 係親子郊遊消暑好去處。 作為「識玩之人」，今個夏天一定要走訪「味･遊三聖」郊遊路線，發掘屯門呢個隱世景點！