今年初春推出嘅日本系列の「草莓脆皮雪糕批」及「宇治抹茶粉朱古力脆皮雪糕批」相信迷倒唔少雪糕迷,DREYER’S D-COLLECTION™ 仲夏帶嚟另外兩款驚喜超人氣口味「生朱古力」及「忌廉芝士撻」,真正日式極緻享受,嶄新口感,一嚐愛上,令你足不出戶都能品嚐日本滋味。
生朱古力 (Nama Chocolate)日文係「新鮮」嘅意思,細軟綿滑嘅口感令人無可抗拒!DREYER’S D-COLLECTION™ 生朱古力牛乳雪糕批,以日本人氣生朱古力外層及新鮮牛乳雪糕內層配搭而成,外皮質地柔軟獨特,入口即溶、甜而不膩、朱古力味更溢滿齒間。
圓滑嘅外型,包住濃郁細膩嘅朱古力同幼滑奶香嘅牛乳,一口譜出無與倫比、層次豐富嘅味覺新感受,俾味蕾遊走一次極盡細滑嘅愉快旅程。
日本系列の另一觸目登場有「忌廉芝士撻雪糕批」! 忌廉芝士撻為日本超人氣甜點之一,香軟濃郁、甜而不膩。DREYER’S D-COLLECTION™ 將忌廉芝士撻精心泡製成「忌廉芝士撻雪糕批」,鋪滿脆筒粒粒脆皮的白朱古力外層,香口鬆脆。
濃郁嘅奶香及芝士味內層黏黏韌韌,一啖層次無窮!DREYER’S D-COLLECTION™ 將熱烘烘嘅甜點完美幻化成優質雪糕,帶嚟全新優質嘅創新味道!
Tags: homita為食家
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like