亞洲時尚盛會CENTRESTAGE(香港國際時尚匯展)將於9月5至8日於香港會議展覽中心舉行。展會踏入第三屆,開幕時裝匯演CENTRESTAGE ELITES勢成焦點;今年大會將邀請三大亞洲知名時尚品牌參與,包括來自日本嘅FACETASM、來自香港嘅IDISM,以及來自中國內地嘅Ms MIN,展示品牌最新的2019春夏系列。
由香港貿易發展局(香港貿發局)主辦嘅CENTRESTAGE,旨在鞏固香港作為亞洲時裝設計樞紐嘅地位,同時為國際,特別係亞洲時裝品牌及設計師提供平台發佈及推廣設計。
全場矚目的頂尖亞洲時裝設計師
CENTRESTAGE首晚舉行嘅大型開幕時裝匯演CENTRESTAGE ELITES,將由三個頂尖亞洲品牌展示最新設計。由日本設計師落合宏理創立嘅得獎前衛街頭潮牌FACETASM,將於CENTRESTAGE ELITES展示其最新時裝系列,帶嚟大膽而不拘一格嘅設計。
香港品牌IDISM將會於CENTRESTAGE ELITES推出全新ready-to-wear 女裝系列。設計組合吳震邦(Julio Ng)及黃幸祺(Cyrus Wong)自從於2016年首次將IDISM公開亮相後,經已多次參與巴黎時裝周。2017年,品牌獲選為2017年度Vogue Talents之一,仲被YOHO! Magazine形容為「亞洲明日之星」。
IDISM時裝系列專為嚮往自主生活嘅現代都市女性而設計,簡約優雅,充份展現品牌揉合活性、自然、觸覺及生活品味嘅哲學色彩,帶出美麗源自於內心嘅理念。喺同一個時裝騷,中國高級女裝品牌Ms MIN亦將展示其新作,設計師劉旻喺時尚界大人物Sarah Rutson嘅指導下,現已創立個人時尚王國,喺作品上無縫地展現出現代主義與古典主義結合嘅美學。
雲集來自全球超過220個時尚品牌
作為亞洲重大時裝盛事,凝聚品牌、買家、傳媒及城中潮人,CENTRESTAGE 2018將會展示超過220個來自世界各地嘅品牌,安排約40項時尚活動,當中包括超過20場時裝表演。同時,大會將舉辦一系列時裝業論壇及研討會,當中亮點包括由時裝設計大師及行業專家主持嘅大師分享系列及時尚講座系列,探討來年嘅時裝潮流趨勢及發展可持續時裝嘅重要性。
香港青年時裝設計家創作表演賽:專屬青年時裝設計師的天橋
除咗CENTRESTAGE ELITES,另一焦點將落喺「2018香港青年時裝設計家創作表演賽(YDC)」總決賽。今屆YDC由香港貿發局成衣業諮詢委員會主席梁嘉彥、JOYCE Boutique採購部主管莫子良等業界翹楚擔任評判,而國際知名時裝設計師Martine Rose亦會出席擔任星級嘉賓評判。
YDC自1977年起已不斷成功培育及推廣香港新一代時裝設計人才。今年,16位入圍嘅參賽者將會競逐五大獎項,包括冠、亞、季軍、「New Talent Award」及「最佳鞋履設計大獎」。去年嘅冠軍暨「New Talent Award」得獎者黃曉圖(Arto Wong)所設計嘅膠囊系列「Zero to Unlimited」將會喺8月於JOYCE上架,並於9月喺CENTRESTAGE上展出。
展會上仲會展示YDC 2017其他得獎者嘅新作,包括林偉強(Sonic Lam)與澳洲國際羊毛局(The Woolmark Company)合作設計嘅全新羊毛時裝系列,以及去年「最佳鞋履設計大獎」得獎者李居錡(Jason Lee)創作嘅膠囊系列「I Go to School by Bus」。
FASHIONALLY時裝匯演:本地時裝設計師發佈作品的舞台
為香港設計師而設嘅FASHIONALLY Collection時裝匯演係CENTRESTAGE嘅重點項目,舉辦多年至今己經嚟到第12回,將迎來10個本地設計師品牌,包括當代經典男裝品牌DEMO.及曾參與2017年紐約時裝周嘅現代女裝品牌KEVIN HO。
另外,FASHIONALLY Presentation將發佈三個新晉本地設計師品牌嘅作品。有別於傳統時裝表演,品牌Redemptive、Tak Lee 及YLYstudio將會喺劇場型舞台,以說故事嘅形式展示佢地2019春夏系列作品。
全城參與活動「Hong Kong in Fashion」
為咗帶領潮流氣息瀰漫全城,貿發局於8月中至9月底與城中多家時裝店、時裝設計學院、餐廳及酒店等超過100個夥伴合作,舉行「Hong Kong in Fashion」時尚推廣活動;合共逾90場形形色色嘅公眾時尚活動將於全港多個地方舉行,包括工作坊、比賽、時裝表演及展覽,務求掀起本地時裝熱潮。