一家大細暑假最期盼嘅盛事，由香港賽馬會主辦嘅「開季試閘樂滿 FUN 季前嘉年華」，今年將會喺 8 月 25 日橫跨沙田馬場至彭福公園舉行，以數之不盡嘅親子活動及全新節目迎接新馬季開鑼。
每年最受歡迎嘅「小馬策騎樂」同「與雪特蘭小馬合照」活動俾小朋友零距離親親馬兒；首次亮相嘅話題巨型積木 EverBlock 同屢獲獎項嘅港產創意玩具 4M 等大熱玩具品牌帶嚟刺激嘅 STEM 遊戲；「古堡探索」等多款全新充氣裝置令小朋友樂而忘返！
參加嘉年華活動更分分鐘贏取豐富獎品！欣賞「騎師競跑」競猜誰是冠軍，有機會贏取雙人來回巴黎機票等總值超過$40,000 禮品。大家亦可參加「Hashtag 贏豐富奬品」相片比賽，拍低至FUN一刻照片，即場上載至個人Instagram或Facebook並標籤 #開季試閘樂滿FUN，即有機會贏取大獎GoPro HERO6 Black 攝影機(價值$3,300)或更多精采禮遇。你又怎能錯過這夏日親子派對！
暑假壓軸親子嘉年華 遍佈沙田馬場及彭福公園
嘉年華設親親馬兒、充氣動感區、創意探索區、才藝激發區、活力挑戰區、幼兒發展區六大主題區域， 於 8 月 25 日橫跨沙田馬場至彭福公園舉行。彭福公園除咗有每年最受歡迎嘅「小馬策騎樂」及「與雪特蘭小馬合照」，今年新增水槍大激戰，豐富節目讓人目不暇給。
沙田馬場方面，馬會亦緊貼親子界潮流，帶來的刺激感與 STEM 元素並重嘅遊戲。曾於網絡瘋傳、可砌出傢俱或房間間隔嘅話題巨型積木 Everblock，今年首度進駐季前嘉年華，讓大小朋友搖身變成建築師！屢獲國際獎項嘅港產創意玩具 4M 同樣首次登場，俾小朋友輕易掌握科技理工知識！
其他小朋友至愛嘅玩具攤位，如 Nerf 神槍手及培樂多亦載譽歸來，訓練孩子身手和創意，寓學習於遊戲。同樣令小朋友盡興嘅充氣動感區增設咗全新充氣裝置，如「古堡探索」和「充氣網球」等，融合運動及故事情景，令小朋友投入感十足！
而親子障礙賽就首次將交通安全城「搬」到馬場。加上多個動感遊戲攤位及近 20 款創意 DIY 工作坊讓大家參與；音樂劇、兒童舞藝、小丑表演及魔術表演等輪流上場； 益力多、EG 防蚊產品等攤位，小朋友玩遊戲之餘，更可獲派發精美禮物；人氣卡通人物小馬寶莉同賽馬會嘅小馬吉祥物都會跟大家合照。全日節目精彩絕倫，敬請留意售票詳情，投入一家大細夏日「放 電」必到嘅親子盛事！
「開季試閘樂滿 FUN 季前嘉年華」推介活動
地點：草地跑道
騎師競跑 (時間：5pm)
離開坐騎，展現騎師狂奔嘅一面，邊個係你心目中嘅冠軍？即場競猜「誰是冠軍」有機會贏取雙人來回巴黎機票等總值超過$40,000 獎品！
馬匹草地試閘 (時間：5:45pm)
騎師及馬匹為馬季開鑼進行季前試閘，做足熱身準備，家長及小朋友可以喺草地跑道旁近距離感受馬匹奔馳嘅感覺。
地點：彭福公園
小馬策騎樂 (時間：12pm – 5pm)
與小馬零距離全接觸，學習與動物相處及訓練耐性。抽籤名額500 位，持有開季試閘樂滿FUN入場券的人士，必須喺2018年8月19 日或之前透過網址www.hkjc.com/pony登記抽籤，每張入場券只可登記抽籤一次。
中籤者可於活動當日以港幣50元購買小馬策騎門票一張。2018年8月22至23日期間中籤者將獲SMS短訊通知換領事宜。中籤名單將於2018年8月23日於活動網頁、星島日報及英文虎報公佈。如遇惡劣天氣，此活動或將被取消。
網上登記時間： 2018年8月13日至2018年8月19日 (包括首尾兩日)
與雪特蘭小馬拍照 (時間：11am – 5pm)
小朋友有機會近距離接觸小馬，親親馬兒。
小騎師大挑戰(NEW!)
讓小朋友親身挑戰成為出色騎師嘅小任務。
馬兒小知識 (NEW!)
了解有關馬兒嘅趣味知識，讓小朋友學懂愛護動物。
充氣動感區
新增嘅「充氣網球」和「水槍大激戰」，以及大熱的「逃出迷宮」等俾小朋友彈跳「放電」。
地點：第一座看台投注大堂1樓
4M STEAM 遊樂園 (NEW!)
屢獲國際獎項嘅港產創意玩具4M，以遊戲將深奧嘅科技理工知識化為遊戲，達致學習、娛樂兩得益。
Nerf神槍手
深受歡迎嘅Nerf互動射擊遊戲載譽歸來，除咗考驗眼界及身手之餘，更訓練智力及肌肉，享受射擊嘅快感。參與挑戰更有機會贏取精美禮品。
地點：第一座看台投注大樓大堂2樓
EverBlock小小建築師 (NEW!)
曾於網絡瘋傳、可砌出傢俱或房間間隔嘅話題巨型積木Everblock，讓大小朋友搖身變成建築師， 訓練創意和空間感。
小小廚師迷你月餅製作班
臨近中秋佳節，本屆設有小朋友月餅製作班。年滿6-12歲嘅小朋友即可報名參與，每位小朋友收費$60(包兩個月餅製作)。名額有限，滿額即止。
地點：第二座看台投注大堂1樓
小馬寶莉開心彩虹
除咗與可愛的小馬寶莉拍照留念，同場亦設有擲彩虹遊戲，可贏取精美禮品。
培樂多工作坊
小朋友可運用想像力製作蛋糕、雪糕等食物，從而激發小朋友創意思維，同場亦會免費派發紀念品。
地點：第二座看台投注大堂 1 樓表演台
精采表演節目
精采表演輪流上演，包括兒童音樂劇、小丑及魔術表演等等，令人目不暇給。
地點：平台廣場
巨型充氣彈床
全新嘅「古堡探索」及「攀爬世界」混合運動與情景元素，令小朋友玩得投入興奮！當然唔少得每年尖叫聲不絕嘅「極速滑梯」及其他大型充氣裝置。
地點：公眾席廣場
親子障礙賽 (時間：11am – 4pm)
分三個年齡組作賽，設有多個障礙關卡，俾爸媽帶領小朋友跨過障礙，考驗身手和默契、增進親子感情。另外亦首設交通安全城， 俾小朋友喺遊戲體會交通安全嘅守則。
「Hashtag 贏豐富奬品」相片比賽 (時間：11am – 4pm)
活動當日喺場內將相片或短片分享至個人 Instagram / Facebook，並標籤 #開季試閘樂滿 FUN，即有機會贏取豐富獎品，獎品包括 GoPro HERO6 Black 攝影機(價值$3,300)、Apple Watch (價值 $2,188)、Kidz Labs - 氣象實驗室套裝(價值$200)等。 得獎者將於 2018 年 8 月 28 日或之前通過 Instagram/Facebook 信箱獲取通知。
「開季試閘樂滿 FUN 季前嘉年華」2018/19 活動詳情
日期： 2018 年 8 月 25 日（星期六）
時間：早上 11 時至晚上 7 時半
地點：沙田馬場及彭福公園
門票：每位票價$60（3 歲或以下小童免費入場） 數量有限，售完即止。
查詢電話：1817 (香港賽馬會顧客服務熱線)
網址： www.hkjc.com
售票安排： 2018 年 8 月 13 日（星期一）起於 40 間指定場外投注處發售，每張套票包括入 場券 1 張、美食現金券 1 張、遊戲券 4 張及精品購物券 1 張，售完即止。
免費專車服務：本會將於活動當日提供免費專車往返沙田港鐵站(排頭村康樂及文化事務署總部 側)及沙田馬場，服務時間由上午 11 至晚上 8：30，每 15 分鐘一班
泊車安排：彭福公園設免費泊車位，先到先得。
