小編都唔明，我呢啲節儉持家嘅女子，點解積蓄都可以分文不長，2-3個月買一次衫，一個唔覺意就將辛辛苦苦蓄返嘅積蓄洗晒，呢啲痛苦真係，唉！明嘅就明。
為咗守住自己嘅荷包，小編不時都會上淘寶買衫，加上呢排人仔平返就更加買得過！不過有時中伏要退換都好麻煩，有時因為懶得退都浪費晒D錢。今次小編就同大家分享下小編同朋友買過，質量OK又平嘅淘寶店同單品，同各位姐妹著住新衫共患難。
每日都上新嘅平價白搭女裝
小編自己上親淘寶都會忍唔住Click入去睇下今日有咩新貨，上新速度快，而且好平，質量對得住價格。
小編推薦單品:
今年必備嘅高腰褲，著上去即刻視覺增高20cm！仲要包住個肚，超級顯瘦！
呢幾年大熱嘅工人褲，個Cutting著上去都唔會好肥，而且顏色洗水都好好睇！
店如其名的甜美清新氣質100分
哈哈，又係一個朵字開頭嘅小店，小編最近先係佢度買過衫！佢賣嘅衫比較有氣質，不過收到要自己燙一燙，質地都ＯＫ架！另外佢好鐘意襯好一套有搭配套餐，唔識襯成套買最方便！
小編推薦單品:
荷葉邊A字裙，百搭顯瘦流行細節集於一身，而且好有氣質，A子裙仲可以遮大脾添！
秋季新款2018韩版学生百搭宽松显瘦牛仔背带裙 ¥59.00
不知不覺個暑假得返二十幾日，夏天已經過左一半，初秋單品都出黎啦！3隻色都好易襯，咩身形都著得，小編最想要就係姜黃色！
肥妹仔都唔洗怕，淘寶都有野岩你!
邊個話肥妹仔好難買衫？淘寶上面其實好多專賣大碼女裝嘅鋪頭，係減肥成功之前都可以做一個靚靚肥妹仔！
小編推薦單品:
黑白格好有文青Feel，大裙擺仲可以遮晒D肉肉，而且冇分季節都可以穿著！佢標榜200斤內都著得落！幾肥都可以買！
打打下發現小編就著緊呢條裙！ 小編今年真係好喜歡黃色啊！今年大熱嘅格仔裙，入面仲好貼心咁加咗打底褲，唔怕會走光！佢由中碼到加加加加大都有，好齊碼，呢間鋪頭真係肥人恩物！
型格個性女孩穿搭
呢間鋪頭都幾韓風，小編買咗幾次，品質都幾令人滿意，唔會覺得係淘寶貨，而且佢嘅連身款都幾有型，是但著個涼鞋踢個拖就出得門口，岩晒懶到出汁嘅小編我。
小編推薦單品:
前面睇上去簡單俐落，玄機係背面嘅大露背！背殺技能GET！仲要39人仔咋，好抵啊！
如果背殺唔合心意，呢條就可以收埋個背啦！寬鬆嘅設計任何身型都友好，2隻色各有不同味道。
其實淘寶真係好多平靚正衫賣，官方集運都好方便，只要用心睇清楚細節、睇下評價同買家秀，買到心水靚衫一啲都唔難架！下次再同大家分享其他淘寶好店啦！
