好多人都認為減肥就係要節食同做運動,一開始就咁高難度就當然係令人無從入手啦!其實瘦身係可以由各種嘅生活小細節開始,踏出第一步就唔再係一件難事啦。
#食飯七分飽
學會節制係一個非常重要嘅課題嚟咖。任何人都難以抗拒美食誘惑,但切忌放縱自己食到撐破肚皮,咁做唔單只傷身,亦會令你攝取過多熱量,搞到脂肪積聚。所以食野嘅時候唔好塞爆個胃,大約七分飽就要停落嚟啦。
#蔬菜唔怕多
如果你擔心自己一餐食得太多,攝取過多熱量,就可以調整蔬菜嘅分量至約佔一餐嘅1/2,咁就唔洗怕啦。蔬菜不但富含纖維質,熱量又低,對身體好處多多,有助排便。
#改變飲食順序
用餐時候嘅飲食順序可以話係會左右你嘅減肥結果。喺開始食正餐之前應該先食蔬菜,又或者係飲湯,咁樣做就可以增加飽足感,令你唔會食得過多,從而減少熱量嘅攝取。
#一定要食早餐
早餐對我地非常重要,呢一餐不僅係一整天嘅活力來源,仲可以避免我地喺下午及夜晚攝取過多熱量,影響減肥進度。
#將零食倒入碟
大部分人都拒絕唔到垃圾食物嘅誘惑,係一輪節制之後放縱自己亦係無可厚非。但食嘅時候就千祈唔好直接撕開包裝,抱住成袋係咁狂食,咁做嘅話好容易就會一次過食哂成包零食咖啦。將零食倒入碟中再食,先可以控制到份量,唔俾自己食得太多。
Tags: Homita瘦身計
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like