荃灣青年商會(JCI Tsuen Wan)致力推動《聯合國兒童權利公約第31條》，今年係第二年舉辦《遊戲權利您有SAY嘉年華》，希望藉住嘉年華俾小朋友享受一小時自由遊戲時間，並提高家長對小朋友遊戲需要嘅意識。

隨着音樂響起及大會司儀嘅號召，由主禮嘉賓-荃灣區議會副主席黃偉傑先生，商務及經濟發展局副局長陳百里博士, JP,，國際青年商會香港總會總會會長簡汝謙先生，荃灣青年商會會長龔衍鳴先生，主題贊助- 人氣卡通人物 Squly & Friends 所屬公司 Chiilaku Limited 聯合創辦人陳亦禮先生，活動大使-香港唱作女子組合Robynn & Kendy連同遊戲權利您有Say嘉年華2018籌委會主席陳明衛及一眾贊助商，將自由遊戲嘅四大元素貼上大會佈景，代表嘉年華正式啟動！

喺開幕儀式及大合照後，活動大使-香港唱作女子組合Robynn & Kendy隨即為各位獻唱三首歌曲（包括：Lalala, Sali away 及青春終老）並和現場小朋友一起合唱，拍手互動，氣氛熱烈！

Robynn & Kendy表示十分高興能成為今年嘉年華嘅活動大使，佢地認為，其實遊戲就好似呼吸新鮮空氣一樣，係與生俱來，係小朋友既基本需要，希望在未來繼續藉着歌曲將呢個訊息宣揚開去。

嘉年華會嘅內容十分豐富，台上有嚟自不同機構嘅小朋友為大家作出歌曲，樂器，舞蹈，運動等等不同嘅表演，而台下有各個不同主題嘅攤位遊戲讓小朋友體驗，以及由小朋友自由拼砌嘅幻想遊樂場，家長及小朋友人流不絕他們亦紛紛表示呢個活動十分有意義，令到佢地了解到小朋友遊戲嘅重要性，並答謝主辦單位令佢地過咗一個十分愉快嘅星期天！

其實遊戲對兒童既身心全面發展係好重要咖，而家長所擔當既角色更加不能忽視，儘管每日生活忙碌，亦希望家長每日都抽時間與孩子享受親子時光，俾孩子作主，共同遊戲，令孩子透過自由遊戲時間，感受到歡樂之餘，更加可以感受到父母對自己既愛護同關懷。