去旅行嚟嚟去去都係住酒店，又或者係民宿。有無諗過住喺一啲特別啲嘅地方呢？今次要為大家介紹嘅係一間開放住宿嘅公園，你無睇錯，的確係公園。喺呢個地方你唔單只可以近距離親近大自然，亦能夠放慢腳步，享受謐靜嘅自然環境。
位於日本靜岡嘅可住宿公園INN THE PARK喺上年十月先開幕嘅，幾十年前曾經係開放俾年輕人嘅體驗自然生活空間。後來停止營運，就INN THE PARK接手重新規劃，最後就將公園打造成人人都想入住嘅旅宿啦！
呢度嘅住宿可以分為三種，包括係懸浮喺半空嘅球體帳篷，安置喺木板台上嘅拱頂帳篷，以及係一棟棟嘅旅宿屋。
最吸引嘅就當然係設置係森林中嘅球體帳篷啦，喺入面唔單只可以享受身處半空中嘅浮遊感，仲可以透過內置天窗去觀賞森林嘅景色。
住喺拱頂帳篷同樣可以透過天窗欣賞森林景緻，但就唔可以享受住喺半空嘅樂趣啦。
由於上面兩款帳篷都係供二人休息，如果想同一家人，又或者係成班朋友一齊享受無拘無束嘅時間的話旅一間間嘅旅宿屋就會係唔錯嘅選擇啦。
有機會一定要去到INN THE PARK，感受森林帶嚟嘅美好時光呀。
Tags: Homita去旅行
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
