兔仔擁有呆萌憨傻嘅外表,令佢地受到唔少人嘅喜愛。今日就等小編為大家介紹一間位於日本嘅特色神社啦,佢嘅最大賣點就係成間神社都以兔仔做主題,到處都滿佈佢地可愛嘅身影。
岡崎神社位於日本京都,佢係一間相當有名嘅安產、結緣及祛除厄運神社,其中又以安產最為靈驗。所以有好多人,包括當地嘅京都人,都會嚟到呢度祈願。
呢度嘅建築同擺設都加入咗兔仔嘅元素,真係好可愛咖,入面仲有求綠同埋求財嘅兔仔像俾大家參拜。
其中備受關注嘅就有係位於手水舍嘅黑色兔仔,佢叫做「子授けうさぎ」,亦即係求子兔。參拜果陣記得將水舀起來淋喺兔子身上,想求子又或者係安產嘅話就可以摸摸求子兔嘅肚仔,聽講好靈驗咖!
如果係想結綠,又或者係求夫妻和睦嘅話,就可以摸下分別放咗喺神社左右邊嘅兩隻狛兔嘅頭(右邊係雄,左邊係雌)。正殿左右兩側嘅一對兔子對係帶有唔同嘅祝福咖,舉左手係可以結緣,舉右手係可以招財。
大家有機會去到京都旅行嘅話,就不妨去拜訪下呢一間神社啦!
Tags: Homita去旅行
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like