旅遊除咗係想俾自己鬆一鬆,更多嘅就係想利用呢個機會去探索世界,親身體驗同見識各地特有嘅景點同景色。今次小編就帶大家去到中亞土庫曼斯坦,造訪一個因為人為意外而造成嘅絕景啦!
土庫曼斯坦係一個相當神秘嘅國度,因為佢比較封閉,所以批出嘅簽証數量非常少。大部份遊客嚟到呢個國家都係為咗一個奇觀,就係「地獄之門」啦!
所謂嘅「地獄之門」其實係一個持續燃燒緊嘅天然氣坑口,佢位於中亞土庫曼斯坦卡拉庫姆沙漠中部小鎮達瓦扎。四邊都係荒無之地,只係見到呢個洞口有烈火持續燃燒。
點解會話呢個絕景係一個人為意外呢?其實早喺1971年,蘇聯嘅地質學家想喺呢個地方開採天然氣,但就因為發生意外而令開採嘅洞口崩塌成徑超過100公尺嘅天然氣大洞。為咗阻止對人體有害嘅天然氣喺洞口湧出,科學家們唯有以燃燒呢個地方,結果一燒就燒咗四十幾年啦!
然而呢個烈火燃燒嘅奇景會引致地球暖化現象,令環境造成破壞,亦係浪費咗天然氣資源。所以土庫曼總統別爾德穆哈梅多夫近年來有意展開填平計劃,想一探「地獄之門」嘅話就要加快腳步啦!
Tags: Homita去旅行
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like