世上美景何其多，人間其實有唔少媲美仙境嘅地方係等待緊大家去發掘。今次小編就想同大家介紹一下位於克羅地亞嘅一個國家公園，相信當中嘅美景一定會令你入迷呀！
布里特威斯湖國家公園亦有普利特維採湖群國家公園之稱，佢位於克羅地亞中部嘅喀斯特山區。呢個公園創立於1949年，並於1979年被聯合國教科文組織列為世界遺產。呢個係東南歐歷史最悠久嘅國家公園，同時亦都係克羅地亞最大嘅國家公園。
公園入面有非常多由石灰岩沉積形成嘅天然堤壩，呢啲堤壩又形成一個個湖泊、洞穴，以及瀑布。因為園中主要有16個湖泊，所以公園又被稱為十六湖國家公園。
湖泊由一條水路相接，唔同嘅高度落差形成咗好多大小不一嘅瀑布。因應季節變換，樹葉轉色配合埋瀑布形態，就可以向大家呈現迥然不同嘅美景啦。
Tags: Homita去旅行
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
