加拿大向來都有唔少自然美景，雄偉嘅山林景緻，絕美嘅湖泊。今次小編就帶大家去到加拿大歷史最悠久嘅國家公園，一次過飽覧當地嘅壯麗地貌啦！
班芙國家公園（Banff National Park）坐落於落基山脈，佢係「加拿大落基山脈公群」嘅一部分，並係被列入世界遺產名錄之中。
呢個公園內有多種自然景觀，包括冰川，森林，山脈，以及各種湖泊，其中最為人所熟悉嘅就係路易斯湖(Lake Louise)同埋夢蓮湖(Moraine Lake)啦。清澈嘅湖水映出山脈嘅倒影，詩情畫意嘅景像令人百看不厭。
喺唔同季節到訪公園，會令你有迥然不同嘅收穫，夏天你可以享受綠草如茵嘅山林景緻，漫步穿梭於高山草地，到處探索。到咗冬天，你就可以盡情於冰雪上玩樂，例如雪橇，雪上飛碟等等，到時山脈會被厚雪覆蓋，令景緻呈現不一樣嘅感覺。
Tags: Homita去旅行
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
