維繫戀愛關係向來都唔係一件易事,一個唔留神,落入咗一段負面嘅「毒性關係」當中,就會如病毒般侵害你嘅心靈。其實呢種不健康嘅關係有跡可尋,如果發現感情出現以下跡象,你就要好好咁諗下點樣處理呢一段關係啦。
#出現過多爭吵
兩個人相處出現摩擦其實係件非常正常嘅事,所以偶爾鬧交平常不過。但如果你地成日都出現爭執,變成三天一小吵,五天一大吵嘅話就一定要留意啦!兩個合得來嘅人唔會成日都睇對方唔順眼。過多嘅爭吵,並唔係你同緊對方吵架,而是你喺內心同自己鬧緊交。所以你要諗下自己到底對咩覺得不滿。
#無法成為更好的自己
如果係同合適嘅人一起嘅話,你會覺得每個夢想都被鼓勵,對方嘅存在可以為你提供能力,令你成為更好嘅人。但如果你發現喺一段關係入面,你無法做到想做嘅事,且彼此心懷妒忌,阻止你變成更好嘅自己的話,就要注意呢段感情適唔適合自己啦。
#對方開始露出你從未見過的一面
拍拖嘅時候觀察對方係非常重要嘅事,因為隨住時間消逝,對方好可能會展現與早期形象截然不同嘅性格面向。唔好以為呢啲係拍拖時候必經嘅階段,因為呢種被隱藏嘅性格好可能先係佢最真實嘅部分。出現呢種情況就要小心對方係咪仲隱藏咗其他野啦。
Tags: Homita私房話
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like