每個人都有唔同嘅消費習慣,有啲人就鐘意格完價再諗一餐先再買野,另外亦有啲人一見到心頭好就會諗都唔諗即刻買。相信每個人身邊都總會有一兩位月光族,但洗錢如流水有時都唔係佢地嘅錯,而係受十二星座嘅特質所影響!
天秤座
天秤對於自身要求好高,極注重自己嘅形象同埋生活品質,所以佢地好願意花錢維持生活水準。而且天秤愛好享受,唔覺唔覺就會使好多錢啦 ! 對天秤嚟講只有名牌先襯托到自身氣質,佢地會將全部錢都投放喺自我展現上,所以變月光族都唔係無道理咖。
獅子座
獅子座喺錢銀方面絕對唔會小氣!特別愛面子嘅佢地鐘意被人奉承,所以佢地買野果陣,就一定唔可以有識嘅人喺身邊。唔係嘅話佢地一定會為面子而產生強烈表現欲,進而失去理智,將錢喺短時間內全部使哂。
雙子座
雙子最愛買小玩意,或者將錢用喺無意義嘅事情上。即便雙子內心亦知道啲錢使得無意義,但佢地仍然樂意咁做,並會揾出無數個使錢嘅理由。隻子座咁擅長於說服自己洗錢,就理所當然地捱唔到去月尾啦!
Tags: Homita占卜師
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like