每人嘅身邊都會有形形色色嘅朋友,而其中一種就係職場上好運爆燈嘅朋友啦!佢地似乎無時無刻都被幸運之神守護,成日都會升職遇貴人。幸運到底係咪天注定嘅呢?原來係同星座都係有關係咖!一齊嚟睇下事業上最好運嘅三個星座啦。
第一名:雙魚座
雙魚座天生糊塗,做事情容易顛三倒四,無論係工作定係生活,都硬係搞唔清狀況。雖然太過分散嘅思維令佢地難以完美完成工作,但雙魚座嘅努力及想盡善盡美嘅心願就成為咗佢地嘅助力,激起貴人們心中嘅果份感性,令雙魚座得到唔少機會。
第二名:雙子座
雙子座擁有隨風而飄、天地逍遙嘅個性,似乎不利職場打拼。但雙子有住一張能說善道嘅嘴,令佢地能夠團結身邊嘅同事,又能夠取悅上司。雙子座過人嘅聰明,以及隨時準備見風轉舵嘅本事,令佢地總係有份加薪升職。
第三名:射手座
射手座喜歡追逐遠方嘅目標理想。佢地嘅樂觀天性,令佢地敢於無計劃下追逐自己嘅夢想,以至離開家鄉去異地飄蕩,做超出自己能力以外嘅事。射手座嘅目標明確,仲會抱住樂觀態度為夢想努力,一直追逐落去。正正係因為敢於去追夢,佢地先可以創出一個個奇蹟。
Tags: Homita占卜師
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like