亞洲運動會如火如荼地進行，喺全民為香港健兒投入打氣嘅同時，本地殘疾運動員蓄勢待發，即將喺10月參加第三屆亞洲殘疾人運動會（下稱亞殘運），延續非凡！

香港殘疾人奧委會暨傷殘人士體育協會（下稱香港殘奧會）與荷里活廣場第四度合作，於9至10月攜手舉辦「印尼2018亞洲殘疾人運動會–延續非凡」推廣活動，讓市民加深對殘疾人運動嘅認識，並體驗殘疾運動員永不放棄的香港精神，帶領市民為運動員集氣，展現香港人的團結力量及信念。
   
英雄問出處 ！ 獨特「劇場化」相片演繹運動員「舞台」
英雄莫問出處，不需考究成功人士嘅過去及出身，只需專注今天嘅功名便足夠；但運動員嘅成功係往往靠著努力不懈嘅成長經歷。資深運動攝影大師程詩詠 (Brian)利用光與影，記錄即將參賽嘅其中12位運動員：包括殘奧運金牌得主余翠怡及梁育榮、世界排名第二嘅輪椅羽毛球好手陳浩源等，希望透過一幀扣人心弦嘅照片，帶出運動員動人嘅成長故事，以及每面獎牌背後不平凡嘅經歷。

「英雄問出處」運動攝影展將在9月15日至10月13日舉行，Brian 特意走到對各運動員別具意義嘅居住地方及工作場所，運用青馬大橋、獅子山、維多利亞港以及公共屋邨等本地特色場景作拍攝背景，帶出運動員就喺市民嘅生活之中，與大眾息息相關，亦能呼應攝影展嘅主題，增添港人嘅親切感，並突顯每位默默耕耘嘅殘疾運動員堅毅不屈嘅獅子山精神。

Brian曾拍攝過不少本港精英運動員，今次製造舞台燈光效果，不但寓意每位運動員都喺自己舞台上發光發熱，更希望帶出殘疾運動員同樣係香港運動界嘅中流砥柱，同樣值得關注及欽敬。

除咗獨特嘅舞台燈光，Brian 希望創造劇場化嘅運動場景，包括以青馬大橋作拍攝背景建造嘅羽毛球場，及喺啟德跑道公園嘅乒乓球枱等，增加戲劇效果，帶出令人意想不到嘅驚喜。
 

延續非凡！亞殘運挑戰場 
亞殘運挑戰場讓市民代入殘疾運動員嘅角色，喺身體限制下運用特定肌肉體驗港隊入圍嘅亞殘運項目，包括射箭、田徑、羽毛球、硬地滾球、草地滾球、射擊、游泳、乒乓球、保齡球及輪椅劍擊。

市民更可透過跟專業教練或運動員的互動，加深了解殘疾運動員訓練時所遇到嘅困難，深切感受其不屈不撓嘅香港精神，為他們吶喊加油。完成體驗及挑戰成功者，更會收到精美禮品。

應援港隊！ 打氣拍照區為代表團加油
為了支持各運動員奮戰到最後一刻，在9月15日至10月13日，荷里活廣場設有港隊應援區。區內設置咗亞殘運香港隊打氣拍照區，讓市民可免費拍攝以亞殘運為主題嘅相片，更可以喺相片貼上各項亞殘運官方吉祥物「Momo」為造型的港隊入圍運動項目Icon，加上振奮人心嘅Hashtag 打氣標語以及各種創意道具，製造僅屬於你的打氣時刻。拍照後，顧客只要掃描QR Code或輸入電郵地址，即可以獲得該電子精美照片。