你仲記唔記得細個果陣個個女仔都鐘意嘅小甜甜呢？放學果陣衝返屋企睇嘅鹹蛋超人？仲有房入面總係會有一隻豬仔錢罌？日本昭和年代孕育出唔少經典潮流文化icon，佢地陪伴住香港人長大。今個秋天，各位文青就一齊去到葵興嘅life@KCC商場參加《life@KCC 漫遊日本昭和文化祭》，重拾兒時回憶啦！

昭和文房具 x 宇山娃娃展

宇山娃娃係昭和年代日本人家庭廳當中常見嘅擺設，特點係擁有一張精緻嘅手繪臉蛋，無辜眼配上一絲不苟嘅髮型及衣飾，姿態優雅，充滿時代色彩。

由於日本當年受到歐美影響，所以就設計及製作咗唔少宮廷裝，配以高跟鞋，再化上歐美系濃妝。所以大家可以由娃娃嘅造型中了解當時女孩間流行嘅服飾風格及文化。

今次展出嘅宇山娃娃全部都係日本人手製造，做工仔細，最有歷史嘅兩個都已經面世超過半世紀，仲會展出多隻現時市值高逹港幣$9000元嘅珍貴娃娃。

同場亦展出多件昭和年代嘅懷舊文房具，全部同樣亦係日本製造，大部分仲印有風靡萬千少女嘅小甜甜圖案，絕對可以喚起大家學生時代時嘅青春回憶。

日期: 即日起至10月31日
時間:上午10時至晚上10時
地點:life@KCC 三樓
參加辦法:免費開放入場

「浴衣拍照館」&「花火大會經典遊戲」

想進一步體驗日本文化就當然要參與花火大會啦！今次活動期間大家可以漫步於秋日景玫嘅花火大，大玩日本花火大會經典攤位遊戲。除咗可以感受熾熱嘅氣氛，仲有機會獲得獎品咖。遊日又點少得換上傳統和服打卡呢？場內就設有浴衣照相館，等大家可以即場試着日式浴衣拍照留念。

日期: 「浴衣拍照館」 即日起至10月31日(逢星期六，日及公眾假期) 
         「花火大會經典遊戲」 即日起至10月31日
時間:正午12時至晚上8時
地點: life@KCC 三樓
參加辦法:「浴衣拍照館」顧客即日以電子貨幣單一消費滿HK$100或以上，即可免費參加活動一次。
                「花火大會經典遊戲」顧客即日以電子貨幣單上消費滿HK$100 或以上，即可免費參加「撈波波」或「抛圈圈」，有機會獲得獎品一份。

「怡健堂」Pop-Up Store

文化祭就當然唔少得美食啦！怡健堂搜羅本地人氣品牌食品，無添加飲料，天然肥皂及護膚品等，最啱注重生活品味同埋健康嘅你。

日期: 即日起至10月31日
時間:正午12時至晚上8時
地點: life@KCC 三樓