今個秋季，H&M與英國經典室內佈置品牌Morris & Co攜手合作，推出全新服裝系列，喺浪漫而剪裁出色嘅設計之中，注入Morris & Co風靡世界嘅印花圖案。新系列將於10月4日在H&M專門店及hm.com 網站有售。

Morris & Co於1861年由英國傳奇設計大師William Morris創立，佢係英國19世紀藝術與工藝運動（Arts and Crafts Movement）之中最具影響力嘅設計師之一。 

H&M設計和創意總監Pernilla Wohlfart表示Morris & Co嘅印花圖案喺世界各地廣受歡迎，知名度極高。William Morris不但係藝術與工藝運動嘅代表人物，更係提倡美麗設計嘅卓越先驅。佢地好高興能可以同呢個英國經典品牌合力推出新系列，與顧客分享呢啲出類拔萃嘅設計。

Morris & Co 保存咗大量過往嘅精緻設計，今次為H&M全新服裝系列精選出一些最具代表性嘅印花圖案，曾見於品牌推出嘅牆紙和室內織物。
 

全新服裝系列包括多款剪裁突出的大褸、外套和長褲、浪漫嘅連身裙及女裝上衣、舒適嘅針織服裝及其他配襯服飾。外形輪廓較為修長，用料包括羊毛混纺、絲絨和流亮織物，另有領口綁帶、寬袖、百褶、荷葉邊等細節。 

新系列所採用的Morris & Co大熱印花圖案，包括Love is Enough，向William Morris身兼作家、詩人和圖像設計師的豐富才華致敬、Lily Leaf 和Marigold均是全身印花圖案，而Pimpernel嘅花首本來係牆紙上嘅圖案，裝飾喺William Morris本人於英國凱姆斯科特莊園（Kelmscott House）嘅飯廳。

Woodford Plaid喺傳統蘇格蘭花格圖案中融入現代氣息。同樣，The Brook係2015年創作嘅印花圖案，靈感嚟自中世紀嘅掛毯。最後，Snakeshead原本係印刷喺棉花上，係William Morris最喜歡嘅印花之一，盡顯佢糅合突出效果及精緻細節嘅非凡技藝。 

Morris & Co.創作總監Claire Vallis表示佢地受託管理William Morris創立兄公司，一直致力承傳佢嘅偉大設計，務求由佢過往許多傑作之中取得靈感，創作出瑰麗嘅織物及牆紙系列。

佢亦指出今次與H&M合作，令佢地有機會展示出William Morris筆下極具代表性嘅印花圖案，到咗今天仍然魅力不減。佢地好高興可以同H&M攜手，將呢啲設計呈獻給時裝界新一批觀眾欣賞。