一部好的電影或劇集，除咗要有好導演，好劇本同好演員，仲要有過場內美術設計、佈景服裝等作為支撐！其實戲劇作品嘅優勝劣敗，就藏喺大家未曾分神留意、但稍一出錯就會好顯眼嘅服裝及佈景等細節當中！Netflix 特選六大服裝設計備受肯定嘅電影和劇集，讓觀眾一同見證，一絲不苟嘅戲服造型，可以點樣配合故事發展，甚至讓劇情昇華！

要重演英國王室氣派？
當然要有由皇家專屬設計師親自操刀

要真實呈現英國王室氣派之餘，又要透過服裝將《王冠》中各個角色的性格變得更立體，同時推進劇情發展，本劇的服務設計師 Michele Clapton對細節處理一絲不苟，佢提到幸好飾演女皇伊利沙白二世嘅 Claire Foy 剛好能穿上劇中嘅加冕典禮禮服，因為它原本是Swaroski（施華洛世奇）展覽嘅展示品，從印刷、釘珠從刺繡嘅製作都需要花費很長時間才能完成。
 
而女皇大婚時所穿的婚紗雖然係仿製品，但據說造價比當年的真品還要高，並由皇家專屬設計師 Norman Hortnell 親自操刀，由 6 人嘅團隊共用上 6 週時間，才完成刺繡圖案和禮服，讓女生又羨又妒。
 
 
榮登「國民電視劇」的作品全賴金編李導加持？
服裝監製趙尚京實亦功不可沒！

曾以朴贊郁電影《下女誘罪》獲亞洲電影大獎最佳服裝獎、為電影《與神同行》服裝設計嘅趙尚京，此次擔任《陽光先生》服裝監製，為咗呈現出十九世紀末辛未洋擾時期嘅時尚風格，除咗傳統朝鮮服飾外，連日本和服和西洋禮服也要涉獵。
 
當中令趙尚京最頭痛嘅，竟然唔係女角嘅華美服飾，而係男主角李炳憲嘅兩套軍服！佢特別委託美國嘅軍服公司全手工製作呢兩套服裝，軍服嘅設計先可以符合歷史考證，所以花咗整整 3 個月時間才能完成，令劇組不得不將李炳憲要穿軍服嘅場次延後拍攝呢！

黑色喜劇戲劇的色調必須夠黑夠暗才夠幽默？
《布達佩斯大酒店》一反其道，色彩繽紛的經典 Dark Comedy

《布達佩斯大酒店》於 2015 年在奧斯卡金像獎、金球獎、英國影藝學院電影獎及衛星獎等多個頒獎典禮大有斬獲，影壇橫掃，絕對必看嘅經典之作！由美國鬼才導演 Wes Anderson 執導，電影中鮮明細緻嘅美術風格及置中對稱嘅畫面設定，令每一幕都彷如明信片般美麗；但嚟自意大利嘅戲服設計師 Milena Canonero 亦同樣功不可沒。
 
故事聚焦喺位於中歐虛構小國《布達佩斯大酒店》橫跨三個年代嘅起落，從戰前嘅繁華到戰爭嘅紛亂再走向戰後嘅共產時代，呢個時代嘅交替及變更都反映喺角色戲服嘅色調之中，讓人不得不佩服Milena Canonero 的調色功架！

聯同 Prada 及 Tiffany 打造 1920 年代紐約名媛的復古奢華
獲2014奧斯卡「最佳服裝設計」肯定實至名歸
 
熟悉歷史嘅人都知道，全靠第一次世界大戰讓歐洲嘅發展停咗落嚟，美國趁機崛起，1920 年代亦因而成為美國嘅黃金時代。經濟起飛、股市大漲，一夜之間成為百萬富翁，當然要酒池肉林、紙醉金迷、夜夜笙歌，這正正是《大亨小傳》內主角嘅靡爛生活。
 
導演 Baz Luhrmann 特邀請 Prada 掌舵人兼設計師 Miuccia Prada 以及著名時裝設計師兼《情陷紅磨坊》兩屆奧斯卡最佳服裝設計得主Catherine Martin 攜手合作，共設計了過 40 套華麗奪目的鑲鑽及釘珠酒會禮服及晚裝，更請來紐約的珠寶巨頭 Tiffany 與 Martin 一同設計，並費時約 18 個月打造出精雕給琢的「Gatsby Collection」。