充氣樂園絶非小朋友專利，今個萬聖節，淘大商場二期一樓大堂將化身成「充氣嘩鬼樂園」，由9月28日至10月31日以刺激又好玩嘅大型充氣彈床，挑戰大小朋友嘅動感神經，齊齊放電！

障礙賽模式啟動   勇闖南瓜地鼠陣
逾四米嘅巨型南瓜地鼠陣，內藏六個「地洞」，扮演地鼠嘅玩家穿梭地洞之間，既要避開獵人嘅攻擊，又要從獵人身旁偷取糖果，絕對緊張又刺激。喺指定時間內抓得最多糖果的玩家為之勝出。

至於扮演獵人嘅玩家就會企喺地鼠陣嘅中央，手持充氣膠鎚，追擊頑皮小地鼠，考驗集中力及反應。每次遊戲參加者都有機會扮演地鼠、獵人，共要完成遊戲即可獲哈囉喂系列精美糖果作紀念，一次過滿足三重願望！

魔間玄幻屋  重重關卡挑戰身手及膽量
中庭另一區嘅魔間玄幻屋正係冒險地帶，內設六個關卡，參加者先騎著充氣戰馬，喺限定時間內跳過第一關「火玄門」，便可進入第二關「幻影梅花樁」，配以忍者般的靈活身手，避開重重障礙，再躍起跨過第三關「鬼谷石頭」。

來到第四關「鬼谷懸崖」，參加者需爬上玄幻屋最高之處，與飄浮半空嘅巫師、幽靈、蝙蝠及南瓜正面交戰！鼓起勇氣，躍下鬼谷懸崖喺第五關「流沙區」，保持平衡係呢一關嘅致勝之術。最後，帶住信心，向前衝過第六關「妖怪樹林」，就可以完成挑戰！ 
 
節日氣氛伸延戶外  哈囉喂派對招聚大小朋友
淘大商場今年萬聖節更由室內玩到室外，十月中旬起，淘大商場戶外食街滿布南瓜小燈、蜘蛛毛公仔及嘩鬼裝飾，詭異趣怪，歡迎各位一起「扮鬼扮馬」，打卡留念。

10月28日（星期日）晚上更會舉行戶外哈囉喂派對，連續三小時街頭奇幻魔術及雜技表演，萬聖女巫亦會現身，大派糖果，全場一起Trick or Treat！屆時，舞蹈學校「Bloom Dance Academy」嘅小朋友變身成小嘩鬼，於食街快閃現身，齊齊舞動萬聖節。不論大小朋友都全程投入萬聖節日氣氛，盡興而歸！